Page 4 - Orkestr sinfi

KIRISH

Bugungi kunda jamiyatimizning eng muhim vazifalaridan biri – o‘zida ma’naviy
boylikni, axloqiy poklik va jismoniy barkamollikni mujassamlashtirgan insonni
yetishtirishdir. Adabiyot va san’atning barcha turlari ulg‘ayib kelayotgan yosh avlodni
estetik did va ehtiyojlarini tarkib toptirishga munosib hissa qo‘shishi bilan e’tiborlidir.
Hozirgi fan­texnika o‘ta rivojlangan sharoitda insoning aqliy vazifasi nihoyatda
ortishi va u tabiat bilan bevosita muloqotdan ma’lum darajada uzoqlashuvi, ilmiy
axborotlarning benihoya ko‘payishi sababli kishilarda emotsional sohani saqlash va
rivojlantirish nihoyatda zarur bo‘lib qolmoqda. Ushbu qo‘llanmada mazkur vazifani
amalga oshirishda musiqa ta’limining yosh avlod tarbiyasida tutgan muhim o‘rni
borasida so‘z yuritiladi.
O‘zbekiston Mustaqillikka erishgandan buyon o‘tgan davr ichida Respublikamiz
madaniy hayotida misli ko‘rilmagan o‘zgarishlar yuz bermoqdaki, bu har bir san’atsevar
xalqimizni behad quvontirmoqda. Xususan, unutilib borayotgan milliy qadriyatlar,
xalqimizning urf­odatlari, ko‘p asrlik marosimlarning aholi orasida nishonlanishi va
o‘tkazilishida yaratilayotgan shart­sharoitlar, avlodlardan avlodga o‘tib kelayotgan
boy musiqiy merosimiz diqqatga sazovordir.
Mamlakatimizda amalga oshirilayotgan barcha islohotlar qatorida xalqimiz
ma’naviy hayotini yanada yuksaltirish borasida o‘tkazilayotgan qator san’at sohasidagi
ko‘rik­tanlovlar xalqimizning ertangi hayotida muhim o‘rin egallamoqda. Bu Vatanga
muhabbatli, xalqiga sadoqatli barkamol avlod tarbiyasida ham katta ahamiyatga
egadir. Shu o‘rinda o‘zbek milliy musiqasining ko‘p asrlik tarixiy, badiiy, ijodiy
an’analari ko‘plab jahon xalqlari sahnalarida tobora keng namoyon etilayotganligi
juda quvonarlidir.
O‘zbekiston Respublikasi Prezidenti Shavkat Mirziyoyev ta’biri bilan aytganda,
“Sharq taronalari azal­azaldan o‘z jozibasi bilan ko‘pgina mamlakatlar xalqlarini rom
etib kelganligi hech kimga sir emas. “Sharq taronalari” xalqaro musiqa Festivalining
aynan mamlakatimizda o‘tkazilishi o‘zbek xalqining va milliy musiqamizning
butunjahon hamjamiyatidagi o‘rnini yanada oshirishdagi eng buyuk ishlarimizdan
biridir. Bu kabi Festivallar dunyo xalqlarining o‘zaro do‘stlashuvi hamda san’at
sohasidagi hamkorlikning yanada mustahkamlanishiga xizmat qiladi”.
Shuni alohida ta’kidlash joizki, jahon hamjamiyatida munosib maqomga ega
bo‘lgan mustaqil Vatanimizda musiqa san’atini yanada rivojlantirish uchun barcha
3