Page 60 - shehidler

Mikayılov Elşən Bilal oğlu - 6 iyun 1973-cü ildə
Kürdəmir şəhərində anadan olmuşdur. Elşən 1992-
ci ildə özünümüdafiə batalyonuna yazılmışdır. 8
sentyabr 1992-ci ildə Ağdamın Çıldıran kəndi
uğrunda gedən döyüşdə şəhid olmuşdur. Kürdəmir
şəhər qəbiristanlığında dəfn edilmişdir.

İslamov Tahir Ağakişi oğlu - 2 sentyabr 1969-cu
ildə Kürdəmir rayonunun Qağacılı kəndində
anadan olmuşdur. 1990-ci ildə Zaqafqaziya hərbi
dairəsində xidmətə başlamışdı. 1990-ci ildə
leytenant, 1992-ci ildə baş leytenant rütbəsi
almışdır. 2 may 1992-ci ildə Ağdam rayonunda
gedən döyüşlərdə şəhid olmuşdur. Kürdəmir
rayonu Mürtülü kənd qəbiristanlığında dəfn
olunmuşdur. 16 sentyabr 1994-cü il tarixli fərmanı
ilə o “Azərbaycan Bayrağı” ordeni ilə təltif edilib.