Page 18 - Winter Newsletter 2022 Welsh

CYFARFOD Â’R TÎM
Dod i adnabod ein tîm yn Cadwch Gymru’n Daclus
Jemma Bere
Rheolwr Polisi ac Ymchwil
Disgrifiwch eich rôl yn Cadwch Gymru’n Daclus?
Rwyf yn darllen llawer o adroddiadau ac astudiaethau am y ffordd orau o ymdrin â materion amgylcheddol
ac rwy’n mynd i lawer o gyfarfodydd i drafod y newidiadau sydd eu hangen (yn fewnol ac yn allanol!).
Weithiau mae’r rhain yn bethau mawr fel deddfwriaeth Cyfrifoldeb Cynhyrchydd, weithiau maent yn
bethau llai fel siarad ag awdurdodau lleol am finiau ac ati. Rwyf yn rheoli tîm hyfryd gyda phob math o
sgiliau ac arbenigeddau gwahanol ac rydym yn cydlynu’r arolygon LEAMS felly rydym bob amser yn casglu
data a gwybodaeth newydd. Rwyf wrth fy modd gyda fy rôl am ei fod mor amrywiol ac rwyf bob amser yn
dysgu pethau newydd.
Beth yw’r peth mwyaf cæl yr ydych yn gweithio arno ar hyn o bryd?
Rwyf wedi gwneud adolygiad yn ddiweddar o ddeallusrwydd artiffisial ar gyfer data sbwriel, mae’n anhygoel
ac ni feddyliais y byddwn yn ymchwilio i bethau o’r fath yn Cadwch Gymru’n Daclas.
Y peth gorau am fod yn rhan o Dîm Cadwch Gymru’n Daclus?
Y bobl.
Gyda phwy yr hoffech chi gyfnewid lle am y dydd?
Brian Cox am y byddwn, o’r diwedd, yn deall cyfrinachau’r bydysawd.
Fel plentyn, beth oeddech eisiau bod pan oeddech yn oedolyn?
Roedd gen i’r syniad yma am fan hufen iâ wedi ei dynnu gan geffyl (yn disgwyl am batent).
Y llyfr diwethaf i chi ei ddarllen?
Invisible Women gan Caroline Criado Perez.
Dywedwch ffaith ddiddorol wrthym amdanoch chi
Roedd fy nghyfenw ‘Beré’ o Ffrainc yn wreiddiol ac mae’n debyg bod fy nghyndeidiau yn fonheddwyr
Ffrengig wnaeth ddianc o’r chwyldro, ond ar ochr fy mam, rydym yn gallu eu holrhain yn ôl i fôr-leidr
enwog. Yn anffodus, nid oes unrhyw drysor i’w etifeddi ar y naill ochr na’r llall.
Gareth Davies
Swyddog Prosiect
Disgrifiwch eich rôl yn Cadwch Gymru’n Daclus?
Fi yw Swyddog Prosiect Caerdydd. Mae hon yn swydd wych, yn hynod o brysur, yn amrywiol, yn hwyl ac mae
llawer o ymholiadau, gyda chymaint o grwpiau, gwirfoddolwyr a phobl dda sydd yn ysbrydoli. Byddwn yn
disgrifio fy rôl fel rhywun sydd yn dda yn siarad (mae sgwrsio yn allweddol i gynorthwyo gwirfoddolwyr a
grwpiau), a hwylusydd cymunedol. Helpu pobl gyda chymorth ymarferol, p’un ai’n ddigwyddiadau codi sbwriel
neu’n erddi cymunedol. Mae’n amrywiol
Beth yw’r peth mwyaf cŵl yr ydych yn gweithio arno ar hyn o bryd?
Fi fy hun. Mewn ymgais i wella fy iechyd meddyliol a chorfforol, rwyf yn gobeithio gwneud mwy o redeg,
darllen, myfyrio, cerdded, gwylio adar, cael cawodydd oer a llai o greision, yn 2022! Ydych chi wedi trio
Chicken Sensations? Bendigedig!
Y peth gorau am fod yn rhan o Dîm Cadwch Gymru’n Daclus?
Y peth gorau am fod yn rhan o dîm Cadwch Gymru’n Daclus yw hynny, bod yn dîm! Mae rhywun yno i helpu
bob amser gan roi cyngor, ysgogiad a chymorth ymarferol gyda phrosiectau. Rydym yn dîm gwych ac mae
rhywun yno bob amser i roi cyngor i mi pan nad oes gennyf yr atebion.
Gyda phwy yr hoffech chi gyfnewid lle am y dydd?
Hoffwn gyfnewid lle gyda gofodwr am y dydd ac edrych i lawr ar y ddaear o’r gofod.
Fel plentyn, beth oeddech eisiau bod pan oeddech yn oedolyn?
Nid wyf yn cofio eisiau bod yn unrhyw beth i fod yn gwbl onest. Roeddwn yn hoff o ddeinosoriaid, y gofod a
Star Wars, adar a bod yn yr awyr agored.
Y llyfr diwethaf i chi ei ddarllen?
Can’t Hurt Me – David Goggins. Rwyf wrth fy modd gyda llyfrau am bobl yn goresgyn eu gorffennol a
thrawsnewid. Mae hwn yn llyfr ac yn stori wych; mae’r dyn yn beiriant! Yn ogystal â darllen o ddydd i ddydd,
rwyf yn darllen myfyrdod dyddiol o The Daily Stoic gan Ryan Holiday, sydd yn 366 o fyfyrdodau dyddiol gan
Seneca, Epictetus, a Marcus Aurelius. Mae’n anhygoel!
Dywedwch ffaith ddiddorol wrthym amdanoch chi
Rwyf hapusaf pan fyddaf yn cerdded ar draeth, ar fynydd, trwy goedwig, ar hyd glan afon neu’n bwyta
creision.