Page 18 - Beth am fynd i'r afael a sbwriel

3.3

Trefnu ymgyrch lanhau

Er ein bod eisiau canolbwyntio ar atal pobl rhag
gollwng sbwriel yn y lle cyntaf, gall diwrnod glanhau
fod yn ffordd wych o fod yn amlwg yn y gymuned,
cymdeithasu a mwynhau’r awyr agored. Gall hefyd fod
yn ffordd ddefnyddiol o ymchwilio i faterion sbwriel a
gwerthuso a yw eich ymgyrch yn gweithio.

Mae Cadwch Gymru’n Daclus yn cynnal ymgyrchoedd
glanhau cenedlaethol bob blwyddyn – fel Byddwch
Daclus a Gwanwyn Glân Cymru – sydd o gymorth i
ddod â gwirfoddolwyr o bob oed ynghyd i ofalu am eu
hamgylchedd leol. Gallwch gysylltu â Cadwch Gymru’n
Daclus am gymorth gyda gweithgareddau yn ystod y
flwyddyn ysgol.

Ewch i wefan Cadwch Gymru’n Daclus am
awgrymiadau defnyddiol ynghylch sut i gynllunio a
hybu eich ymgyrch glanhau, a phrynwch offer codi
sbwriel gan ein partneriaid Helping Hand.