Page 4 - Gandan book

Нийслэлийн Ерөнхий Боловсролын 112 дугаар сургууль Эцэг эхийн гарын авлага 2023-2024

НЭГ. НИЙСЛЭЛИЙН ЕРӨНХИЙ БОЛОВСРОЛЫН 112 ДУГААР

СУРГУУЛИЙН ТАНИЛЦУУЛГА
Нийслэлийн ерөнхий боловсролын төрөлжсөн сургалттай 112 дугаар сургууль
нь анх Бурханы шашинт сүсэгтний холбоо Бурханы шашны хойч үеийнхэнд
шашны болон иргэний боловсрол олгох зорилгоор дунд сургууль байгуулах санал
санаачилга гаргаж, Ламрим дацангийн хашаанд 2 гэр барьж хичээл сургалтын үйл
ажиллагаагаа эхлүүлж байв. 1993 онд тус сургуулийг МБШТөв-Гандантэгчэнлин
хийдэд шилжүүлэн өгсөн бөгөөд энэ үеэс эхлэн Бурханы шашны уламжлалт
сургалттай нийслэлийн ЕБ-ын 112 дугаар сургууль болж хөгжиж иржээ.

• Улаанбаатар хотын ардын хурлын гүйцэтгэх захиргааны №33 тоот тогтоолоор:
Шашны сургалттай дунд сургуулийг 1991 оны 2 дугаар сарын 1-ний өдрөөс
эхлэн хотын боловсролын газарт харьяалуулан байгуулж, дотоод дүрмийг
баталжээ. Улмаар сургалт хүмүүжлийн зардлыг төсвөөс санхүүжүүлэхийг
зөвшөөрч, багшлах боловсон хүчнээр хангаж, сургалт хүмүүжлийн ажилд
арга зүйн туслалцаа үзүүлж байхыг хотын боловсролын газарт даалгасан нь
өнөөгийн 112 дугаар сургууль болж хөгжих үндэс суурийг тавьсан юм.

• 1993 оны 5 дугаар сарын 27-ны өдрийн Улаанбаатар хотын Ардын Депутатын
хурлын гүйцэтгэх захиргааны А/103 захирамжаар шашны сургалттай дунд
сургуулийг МБШТөв Гандантэгчэнлин хийдэд бүрэн шилжүүлж өгч, сургалт
хүмүүжлийн ажилд хяналт тавьж ерөнхий эрдмийг мэргэжлийн багшлах
боловсон хүчнээр ханган ажиллахыг шинжлэх ухаан боловсролын газарт үүрэг
болгож, багш нарын цалинг хотын төсвөөс олгохыг санхүүгийн хэлтэст даалгаж
байв.

• Нийслэлийн засаг даргын 2018 оны 2 дугаар сарын 8-ны өдрийн А/117 тоот
захирамжаар шашны сургалттай ерөнхий боловсролын сургуульд “112”
дугаарыг олгож, тусгай зөвшөөрлийг шинэчилсэн юм.

• 2023 оны 6 дугаар сарын 5-ны өдөр БШУЯ “Гүн ухааны хөтөлбөрийн хичээлийн
агуулга”-ыг баталсан. БШУ-ны сайдын 282 дугаар тушаалаар батлагдсан
төрөлжсөн сургалттай ЕБС-ийн сургалтын төлөвлөгөөний дагуу хичээл тус
бүрээр хөтөлбөр боловсруулан 2023 оны 12 дугаар сарын 22-нд НБГ-аар
баталгаажуулснаар хэв шинжээ өөрчлөн төрөлжсөн сургалттай бүрэн дунд
сургууль болов.
Тус сургалтын хөтөлбөрийн агуулгын 60 хувь нь ЕБ-ын сургалтын хөтөлбөр, 40
хувь нь Дорно дахины гүн ухааны агуулгад суурилдаг бөгөөд ингэснээр сургалтын
хувьд төрөлжсөн гэдэг ангилалд хамаарч байгаа юм. ЕБ-ын сургалтын хөтөлбөрийн
агуулгыг Дорно дахины гүн ухааны агуулгатай тэнцвэртэйгээр хослуулсан энэхүү
хөтөлбөр нь Буддын гүн ухааныг судлахын тулд дацанд сургуульд сурч түүний
хажуугаар ерөнхий боловсролоо албан бус, насан туршийн боловсролын төвөөр
дамжуулж эзэмшдэг байдлыг өөрчилж, нэг дор хосолсон хөтөлбөрөөр суралцах
боломжийг сурагчдад олгож буйгаараа чухал ач холбогдолтой юм. Тус сургуулийн
төрөлжсөн сургалтын хөтөлбөрийн Дорнын гүн ухааны агуулгыг Нийслэлийн
боловсролын газар боловсролын стандарт шаардлагад бүрэн нийцсэн хэмээн
дүгнэсэн бөгөөд 2023 оны 6 сард БШУЯ баталгаажуулсан билээ.

4