Page 35 - Книга памяти - Русская община
P. 35
Əhmədov Gülbaba Ələddin oğlu
(1922-2006)
Əhmədov Gülbaba Ağsu rayonu Bico kəndində anadan
olmuşdur. Orta məktəbi qurtartıqdan sonra, pedaqoji
instituta daxil olub. 1942-ci ilin avqust ayında hərbi xidmətə çağırılıb.
Şimali Qafqaz Cəbhəsində 226-cı motoatıcı diviziyada vuruşub. Mozdok ətrafındakı
döyüşlərdə yaralanıb. Sağaldıqdan sonra Zaqafqaziya Hərbi dairəsində qulluq etmişdir.
1947-ci ildə ordudan tərxis olduqdan sonra, öz doğma rayonuna qayıdıb, təhsilini Bakı
Dövlət Universitetində davam etdirmişdir.
Uzun illər Ağsu rayon 3 saylı tam orta məktəbdə coğrafiya müəllimi işləmişdir. 2006-
cı il fevralın 23-ü vəfat etmişdir.
Onun oğlu – Əhmədov Seyidağa Gülbaba oğlu – 11 saylı tam orta məktəbdə
coğrafiya müəllimi işləmişdir. Nəvələri – Əhmədov Kənan, Əhmədova Günay bu
məktəbin yetirmələridir.
Hal-hazırda nəticələri Bəkirli Cavidan və Bəkirli Sədaqət Sumqayıt şəhər 11 saylı orta
məktəbin 8A1 və 5A1 sinfinin şagirdləridir.
