Page 101 - Cuco

R E L . L Á M B E T E

TARTA DE CAFÉ.
RIESTRA D’ELLO
-1 paquete de flan royal.
-1 l.litro de nata.
-½ taza de café.
-½ paquete de galletas.
-Carambelu l.líquido.
EL.LABORACIÓN:
Pa entamar calentamos la mitada de la nata nel cazu, reservando la outra mitada , nella chamos el paquete de flan royal.
Dempués cuando fierva la nata amestamos el royal diluyío na outra mitada de la nata y la ½ nata de café. Llueu,
deixámoslo ferver unos minutos, de secute untamos el fondu del molde col carambelu y chamos el preparáu nel molde
enriba del carambelu; p’ adornar ponemos-ye las galletas penriba. Por último metemos-ye unas cuatro horas na nevera
pa qu’entieste. Llueu, damos-ye la vuelta nel molde nun platu.
Ta perbona, yo xíntola siempre nel miou cumpleaños.

Laura Fernández Díaz. 4º ESO D

TARTA DE LA BUELA.
RIESTRA D’ELLO.
-200gr. de chocolate.

-100mi. de nata pa montar.
- 2 sobres de preparáo pa flan.
- 1l. de l.leite más 100ml. Pa moyar las galletas.

- 3 cuyaradas de zucre.
- 450gr. de galletas rectangulares.
EL.LABORACIÓN.
Char el preparáo de flan nun vasu de l.leite y poner el restu nun cazu al fueu a calentar col zucre.
Cuando rompa a ferver retiramos del fueu, amestamos-ye el l.leite col preparáo de flan y mecemos.
Volvemos a ponelo a fueu baxu y mecemos de secute fasta qu’entame a facer grumos.

Ponemoslo nun molde rectangular , una primeira capa de galletas moyadas en l.leite.
Chamos la mitada del flan y ponemos-ye outra capa de galleta. Chamos la outra mitada del flan y
ponemos-ye una última capa de galletas. Deixamos enfriar na nevera polo menos una hora.

Ponemos la nata a calentar y cuando entame a ferver retiramoslo del fueu y amestamos-ye el
chocolate. Mecemos fasta que tea fundido y chamoslo penriba de la última capa de galletas.
Deixar enfriar fasta que tea cuayao, unos trenta minutos.

Natalia Fernández Fernández. 4º ESO A

101