Page 18 - Балдарга 2023_Neat

Эчкиниҥ терезинеҥ эт-
кен јуурканды јабынып, оныҥ
јылузына јажыркап, Амыр

ӱргӱлей берди.
– Јакшылар, балдар! – деп,
ӱредӱчи Арана Атпаевнаныҥ
айтканына балдар бир ӱнле
«Јакшылар» дешти. – Балдар,
ӱредӱлӱ јыл божоды. Ончогор
ӱчинчи класска кӧчтигер!
– Мен база ӱчинчи класска
кӧчкӧм бӧ? – деп, Амыр бойына
бӱтпей, айландыра кӧрди. Кы-
зычактар ончозы ак фартуктар-
лу. Уулчактар дезе ак чамчалар-

лу, тӱп-тӱс штандарлу эмтир.
– Эйе, сен база ӱчинчи клас-
ска кӧчкӧҥ, керек дезе јакшы
темдектерле – деп, Арана Атпаевна айтты. – Балдар, Амыр јаҥыс ла алба-
данып ӱренген эмес, ол анайда ок карган јааназына болушкан. Јааназына
сууны кем экелет? Амыр. Одынды кем јарат? Амыр. Мал-аш азыраарга,
кем болужат? База Амыр.
– Мен јӱк ле болужарга сан… – деп Амыр айткалакта, Арана Атпаевна

оны ӱзӱп ийди.
– Мен баштапкы кӱндерде Амырды оҥдобой, ого калас коомой темдек-
тер тургускам. Јастыргам, Амыр. Бир јаманым ташта.
– Санааркабагар, Арана Атпаевна. Мен де кӧп јастыргам. Ӱчинчи де

18