Page 23 - Балдарга 2023_Neat

– Мен керегинде кожоҥ чӱмдеериҥ
бе? – деп Кӧбӧлӧк сураарда, Ай-Мерген
база ла кӧстӧрин јумуп, чӱмдеп баш-

тады:
Талбаҥ-талбаҥ канатту,
Ондо јараш јурукту,
Ыраактаҥ ла таныкту,
Кӧбӧлӧк деп сен атту.
Кӧбӧлӧк сӱӱнип, Ай-Мергенниҥ
јаагынаҥ окош эделе, сары чечекке
отурды.
Ӧлӧҥниҥ ортозынаҥ Чойлошкон
кӧрӱнип келди.
– Чойлошкон, мен сен керегинде
база кожоҥ чӱмдеер кӱӱндӱ – деп, Ай-

Мерген ӧкпӧӧрип айтты.
– Мен керегинде бе? – Чойлошкон
алаҥзынган аайлу унчукты.
– Тыҥда –деп, Ай-Мерген ойто ло кӧзин јумды:
Ӧлӧҥ тазылын
јымжадып,
Јӱредиҥ сен јылып.
Јалаҥда чойлошкон

тузалу,
Јерди ӱйттеер
сӱмелӱ.
– Чындык сӧстӧриҥ
учун сеге – јаан алкыш-
быйаным. Акыр, кап-
шай јер алдына кирей-
ин, эди-каным кургай
бербезин – дейле, Чой-
лошкон «мыйрыс» эделе,
јоголып калды.
– Мен – Апсан болорым! – Апсан секирип келеле, Ай-Мергенниҥ колы-

на отурды.
– Сени де јакшы билерим. Сеге де кожоҥ чӱмдейин. Тыҥда, ук!
Таҥды эрте ойгозор,
«Кыр-кыр» деп кожоҥдоор!
– Јок ло туру – деп, Апсан јӧпсинбей айтты. – Мен учсам, канаттарым
кыркырайт. Ӧскӧлӧдӧ чӱмдеп кӧр.
Ай-Мерген кӧстӧрин јумуп, эмеш сананып турала баштады:

23