Page 19 - Балдарга 2023_Neat

класста албаданып ӱренерим. Слерге – јаан быйан, јаҥыс ла слер мени
оҥдоп јӱредеер – деп, Амыр каруу јандырды.
– Амырдыҥ адазы! – деп кемниҥ де айтканына, балдар ончозы кӧзнӧк

јаар кӧрдилер.
Чындап та, тышкары чаҥкыр ӧҥдӱ јап-јаҥы велосипед јединип алган

Амырдыҥ адазы турды.
Арана Атпаевна ӱредӱлӱ јыл једимдӱ тӱгенгениле балдарды база катап
уткуп, јакшы амыраш кӱӱнзейле, божодып ийди.
Экинчи класстыҥ ӱренчиктери Амырдыҥ адазын курчап ийгиледи.
«Ох, јаражын! Јакшызын!», «Маҥтадып кӧргӧн кижи» деп, балдар бой-
бойлорыныҥ ортозында шымырангылайт.
Амырдыҥ адазы «Ме, уулым, јакшы ӱредӱӱҥ учун сый» деп айдала, ве-
лосипедти Амырга туттурды.
Амыр бир будыла велосипедтиҥ педалине тебип, экинчи будын саҥ ӧрӧ

јеҥил чачып отурала, маҥтада берди. Ол ары болуп маҥтадарда, ончо бал-
дар оныҥ кийнинеҥ јӱгӱргиледи.
– Амыр, тур! – деп, оныҥ кийнинеҥ кем де кыйгырып турды. Је ол
балдардаҥ там ла ырап маҥтадып баратты. Кенетийин јаантайын ла
керижип-согужып туратан Барчый деп уул једижип келеле, Амырдыҥ
јеҥинеҥ тарттарда, ол јыгылды.
– Уйуктаарга болор. Школго барар ӧй једип калган – деп, оны јааназы

19