Page 24 - Балдарга 2023_Neat

Анда-мында секирген
Апсан – бистиҥ нӧкӧрис.
Оныҥ јараш кожоҥын
Эрте таҥда угадыс.
Бу сӧстӧрди угуп, Апсан
бажын јайкап айтты:

– Эм тургуза – кем јок.
Удабастаҥ кожоҥныҥ
сӧстӧрин солыйтан туруҥ!
– Је-е.
Ай-Мерген Адаруга бу-
рылып сурады:
– Адару, сен керегинде кожоҥ чӱмдеерис пе?
– Бойыҥда. Чынынча, кожоҥдоп јӱретен бош ӧй менде јок. Јайгыда мӧт
јууп албазам, кышкыда торолоорго келижер.
– Менде де бош јок – деп, чырбагал јӱктенген Чымалы айда салды.
– Мактанбагар! Слерде јаантайын ла бош јок – дейле, Апсан «кыр-кыр»
деп каткырды.
Чур-чуманак башталарга турганын билип, Ай-Мерген јалаҥныҥ тын-
дуларын токунадып айтты:
– Эмди Чымалы ла Адаруга кожоҥ чӱмдейтем:
«Жу» ла «жу», «жу» ла «жу»,

Мӧт болор быжу.
Балдар јизин тамзыктап,
Адаруны мактап.
Бу кожоҥды Чымалыга
учурлайдым:
Амыр билбес Чымалы
Иштенет ле иштенет.
Јадык сӱӱртеп ол турат,
Јараш тура ол тудат.
Томонок кыҥылдаганча
учуп келеле, ойто ло Ай-
Мергенниҥ тумчугыныҥ бажы-
на отурып, куучынын баштады:
– Ай-Мергенге јаан быйан
айдалы. Эмди јайгы јалаҥга
учурлай кожоҥ чӱмдейли. Ка-

жыбыс ла бир јолдыктаҥ ай-
даактар. Иштеҥкей Чымалы
ла Адару баштазын, оноҥ иш-
тожына баргылазын.
Адару Томоноктыҥ кезем

24