Page 25 - Балдарга 2023_Neat
P. 25
сӧзине ачынып та турза, је јолдыкты айтты:
– Јайгы јараш јалаҥыс…
Чымалы јӱктенген јӱгин туура салала айтты:
– Мында ончо курт-коҥыс…
– Амыр-энчӱ јуртазын... – деп, Апсан кошты.
– Ар-бӱткенди сӱӱндирзин! – деп, Кӧбӧлӧк кыйгырды.
– Айдылган сӧстӧрди бириктирип кӧрӧӧли – деп Томонок айдала,
сӧстӧрди бириктирип баштады:
Јайгы јараш јалаҥыс,
Мында ончо курт-коҥыс
Амыр-энчӱ јуртазын,
Ар-бӱткенди сӱӱндирзин!
«Кожоҥ чӱмдеери сӱрекей ле кӱч эмес турбай. Јаныҥда кеен-јараш ла
чындык нӧкӧр-најылар болзо, кожоҥ до чӱмделер, сӱӱнчи де болор» деп Ай-
Мерген бойында сананып, бир эмеш унчукпай турды.
– Јанатам – дейле, Ай-Мерген эбире басты.
– Эртен бис сени сакыырыс! – деген ӱндер кийнинеҥ угулды.
Ай-Мергенниҥ кӧксинде кандый да эрке ле јылу сӱӱнчи. Ол кайра кӧрӱп
кыйгырды:
– Келерим! Сакыгар!
25
