Page 56 - Балдарга 2023_Neat

кыйгырды: «Кандык айдыҥ бажында, тӧгӱн болор jаныҥда!».
Ийт уулчактыҥ ойноп турганын билип, оныҥ «Ак-Кол! Ак-Кол!» деп
кыйгызын укпаачы болуп, чеденди ажыра калыйла, ӧлӧҥдӧ эптеп эткен
jылу уйазында jажынып калды.
«Эмди кемди тӧгӱндеер?» деп шӱӱнип турганча, jолды тӧмӧн Содоной
ӧрӧкӧн келип jатканын кӧрӧлӧ, ыраактаҥ ла кыйгырды:
– Jакшылар!
– Jакшы-jакшы ба, Байкал!
– Слерди Эркештиҥ jааназы келип чай ичсин деп кычырган – деп, Бай-
кал jык ла салды.
– Айтканыҥа алкыш болзын, балам. Мен тегин де олор дӧӧн айылдап

барадырым – дейле, Содоной ӧгӧӧн кӱлӱмзиренип, куучынын улалтты, –
Бу тумчугыҥныҥ бажы не кара?
– Тумчугым ба?
– Эйе, эйе! Кӱскӱнеҥ барып кӧрӱн!
Байкал jӱгӱргенче айлына кирди. Кӱскӱнеҥ кӧрзӧ, тумчугы ару ла
бойы.
– Эх, ойто ло тӧгӱндеттим! – Байкал ачу корододы.

56