Page 57 - Балдарга 2023_Neat
P. 57
ШКОЛГО ЈӰРГЕН
КОЙОНОКТЫҤ
JӰРӰМИНЕҤ
Койонок бичиктерлӱ рюкзагын
јӱктенген сӱӱнчилӱ кожоҥдоп, школго
барып jатты:
Мен, мен – Койонок,
Мен – оогош ботпонок.
Мен школго jӱредим,
“Тӧрт” лӧ “беш” аладым.
Мениле кожо баралы,
Школдо билгир алалы.
Аҥычактар, келигер,
Мениле кожо сӱӱнигер!
То-то-то,
Кожоҥдоорыс коркыбай.
То-то-то,
Ӱренерис јалкуурбай!
– Койонок, Койонок, бу сен канайып
туруҥ? Тал-табыжыҥ аркада
јаҥыланып туру. Токто. Аҥчыларга
jем болдыҥ – деп айдып, jырааныҥ
кийнинеҥ Айучак чыгып келди.
– Эмдиги аҥчыларга јолугарга да
коркымчылу. Олор кемге де килебес.
Сӱрекей јаман шокчылдар!
– Эх, Айу-Айучак, сен кандый
коркынчак! – деп, Койонок каткырды.
– Ол јалбак агашта нени бичип
салган, билериҥ бе? — деп, Койонок
jалбак агашка колын уулады.
– А мен кычырып билбезим – деп Айучак кемзинип, араайын
унчукты.
57
