Page 62 - Балдарга 2023_Neat
P. 62
Койоноктыҥ сурагынаҥ Айучак кемзинип, та нени де айдарга јадала,
токтой берди.
– Кем јок, Айучак! Ӱренген таныктарла мен бичийин, сен олорды эске
ал – дейле, Койонок чырбагал алала, јерге АЙУ деп бичиди. – Је кычыр –
деп, Айучакка баштанды.
– АРУ – деп, Айучак кычырды.
– О, сениҥ адыҥ эмди АРУЧАК болор.
– А не?
– Сен бойыҥныҥ адыҥды АРУ деп кычыргаҥ. Й ла Р таныктарды
булгап салгаҥ да. Је кем јок.
– Меге АРУ деген ат јарап јат – деп, Айучак сӱӱнип айтты.
62
