Page 67 - Балдарга 2023_Neat
P. 67
– Чӧрчӧк дедиҥ бе? Хи-хи! – Сынару каткырды.
Унчукпай отурган Jелечи куучынга кирижип айтты:
– Мен jаантайын ла јаанамды чӧрчӧк куучындап берзин деп сурайдым.
Jе jаанам бир де чӧрчӧк билбес. Аржан, jаанаҥныҥ чӧрчӧгиниҥ бирӱзин
биске куучындап берзеҥ.
– Мен кӧп чӧрчӧк билерим. Кандыйын куучындап берейин?
– Эҥ ле jакшызын – деп, Jелечи айда салды.
– Jаанамныҥ чӧрчӧктӧри ончозы jакшы. Мен слерге бойыма эҥ тыҥ
jарап турганын куучындап берейин.
Балдар Аржанды эбире отурып ийдилер. Аржан чӧрчӧкти куучындап
баштады:
– Ыраак-ыраак тайгада, jаантайын jай турар jерлерде, бир Борбыйак
jуртаган. Борбыйактыҥ уйа тартар ӧйи келерде, кем де, не де jетпегедий
jер бедиреп, учуп ийди. Борбыйак кайда ла уйа салганда, оны Jутпа-Jылан
табып, кичинек азатпайларын jип салатан.
Быjыл да ал-санаага алдырган Борбыйак уйа тартар jерди чек таппай
турды. Борбыйак комудап, jарагадый jер бедиреп, ары-бери учат. Jе ончо
ло jерге Jутпа-Jылан jеде бергедий.
Кенетийин Борбыйак койу боро талдыҥ ӧзӧгинде, эскин ошкош талбак,
67
