Page 59 - Балдарга 2023_Neat
P. 59
Койонок, Койонок! Мен сениле кожо школго барайын ба? – деп
суранды.
– Не барбайтан. Карын да јакшы. Удабастаҥ ончо аҥычактар
школго јӱрер.
– Бӧрӱчек ле Тӱлкӱчек јӱрер бе? – деп, Айучак омок ӱнденди. –
Бӧрӱчек школго јӱрзе, согушчаҥ јаман кылыгын таштаар. Тӱлкӱ
дезе качан да мекеленбес те, тӧгӱнденбес те!
– Је, Айучак, кожо баралы – деп Койонок айдала, ойто ло кожоҥдой
берди:
Кем школго ӱренет,
Ого ончо jол ачык.
Бичик билер Койонноҥ
Эмди мында кем артык?!
То-то-то!
59
