Page 26 - MIN.VOS ALEX SCHWENGLE JAN 23,2015

Instituto Biba Saludabel y Activo, IBiSA ta informa cu e prome careda grandi di aña, esta “Betico
Memorial 10K Run” cu ta tuma lugar diadomingo awor dia 25 di januari 2015 ta COMPLETAMENTE
SOLD OUT. Despues cu dialuna ultimo IBiSA a informa cu tabata ultimo siman pa inscribi pa e careda,
reaccion tabata grandi. Inmediatamente participantenan a acudi na oficina di IBiSA y a inscribi pa
participa, cu e consecuencia cu tur cupo disponibel a yena.

For di cifranan y experiencia di añanan anterior, IBiSA a presupuesta 600 cupo pa e careda, y prome cu
12’or di merdia diahuebs 22 di januari tur cupo disponibel a yena. E interes pa participa na e “Betico
Memorial Run” semper ta sumamente grandi. Desafortunadamente no ta tuma mas inscripcion. Como
institucion cu ta promove movecion y salud riba nos isla, IBiSA ta hopi contento cu e reaccion y
resultado.

Diadomingo mainta dia di e careda, ta cuminsa registra participantenan ya caba for di 5’or di mainta
dilanti di Centro Deportivo Betico Croes na Sta. Cruz. IBiSA ta haci un apelacion na tur esnan cu a
inscribi pa participa na e grandioso “Betico Memorial 10K Run y e 6K Fun Walk & Run” pa percura pa
nan ta trempan pa registra y cuminsa ‘warm-up’ pa e careda cu ta sali exactamente 6’or di mainta.

IBiSA ta desea tur participante hopi exito y un feliz dia di Betico.

http://masnoticia.com/e-careda-di-betico-memorial-10k-y-6k-fun-walkrun-organisa-pa-ibisa-ta-sold/