Page 14 - COMBINED DIARIO

PAGINA 14 DIARIO DIALUNA 26 JANUARI 2015

Cerca ex-clientenan cu no ta usando nan servicio mas:

Serlimar no a pasa busca e bari di sushi y
nan no ta dispuesto pa paga tampoco!

ORANJESTAD (AAN) – Mientras cu e prome pago pa e servicio
di Serlimar, mester tuma lugar e fin di luna di Januari aki, tin hende
den diferente adres cu a pidi e compania pa pasa tuma e bari pasobra
nan no ta usando e servicio mas, pero esaki te ainda no a sosode.
Varios persona cu a experiencia e situacion cu Serlimar tabata laga
nan bario te tres siman largo sin pasa lanta sushi, cu a dicidi pa join
un compania priva, y cu pa mas cu tres aña nan ta hayando esaki y
ta masha satisfecho cune, cu ainda tin dilanti cas e bari di Serlimar,
sin cu nan ta hinca sushi aden, y cu a yama pidi pa busca e bari for
di e mesun tempo cu nan a cambia di compania, pero te ainda e bari
tey sin cu tin ningun utilidad.
Hopi di e personanan aki nunca a haya un carta di Serlimar tam-
poco, y awor nan ta puntra con nan ta haci si nan ta wordo obliga
pa paga pa un servicio cu nan no ta usando, djis pasobra e bari ta
dilanti nan cas pero nan no ta hinca, pa añanan largo, ni un saco di
sushi aden?
E hendenan aki no ta dispuesto pa paga pa un servicio cu nan no
kier y nan no ta bay cambia di compania tampoco. Nan kier sa di e
compania con e tumamento bek di e barinan aki ta tumando lugar,
pasobra nan a yama Serlimar duna nan adres y splica e pakico nan
kier pa nan bin busca nan bari, pero esaki te ainda no a sosode.

Rifa di Universal Fencing Club
posponi pa otro fecha

ORANJESTAD (AAN)- Universal Fencing Club ta participa
cu nan sorteo cu nan tin pa tuma lugar dia 31 Januari 2015 lo
no bay door mas riba e fecha aki.
E fecha nobo cu sorteo di e rifa lo tuma lugar ta dia 25 di April
2015 pa medio di un tombola. Nan ta pidi nan disculpa. Pa
mas informacion por sigui nan via facebook:universal fencing
aruba.

Telefonnan di DIARIO
582-6747 Fax 582-8551