Page 53 - MIN.ON FEB 6,2015

na Universidad di Aruba. E seminario a conta cu un audiencia grandi di varios organisacionnan riba tereno social cu
ta traha cu violencia domestico. E team di studiantenan y e docente a facilita sesionnan interactivo riba definicion,
tipo, analisis di e situacion di violencia domestico na Aruba, e ciclo di violencia, teorianan riba violencia domestico,
dicon hende muhe ta keda, organisacionnan, servicionan y programanan disponibel. E tayer a termina cu un
discusion riba e miho practicanan pa intervencionnan policial y e principionan di guia pa entrevista victimanan,
abusadonan y muchanan.
Algun di e “highlights” di e tayer tabata e trabou den grupo caminda cu e polisnan a desaroya nan propio definicion
di violencia domestico. A analisa un caso pa medio di un video y a practica entrevista cu victima, abusado y mucha.
E tayer a termina cu un reflexion di e participantenan riba algun preguntanan clave. Kico bo ta haci si abo como un
polis ta un abusado of cu tin violencia domestico den bo propio famia? Con bo ta anda cu e impacto post traumatico
di violencia domestico den bo bida personal? E polisnan cu a participa a wordo curasha pa participa den un proceso
di ventila despues di cada caso y pa haci e maximo uzo di e servicionan di sosten interno cu ta disponibel dentro di
Cuerpo Policial Arubano. E departamento di “Social Work & Development” y su studiantenan semper ta disponibel
pa asisti organisacionnan pa asina crea un miho comunidad.

http://masnoticia.com/ahata-aporta-cu-mueble-na-scol-primario-kudawecha/

AHATA a aporta cu mueble na Scol Primario Kudawecha

 Feb 6th, 2015
 Local