Page 14 - MIN TTC DEC 11

PAGINA 34 DIARIO DIAHUEBS 11 DECEMBER 2014

Destruccion
na varios

auto dialuna
pa diamars

O R A N J E S TA D . ( A A N ) ;
Apesar cu ladronicia di auto
a cuminsa baha polis a bay
atende varios caso relaciona
cu destruccion di auto.
Dialuna anochi den area
di Santa Cruz, polis tabata
patruyando y nan a localiza un
auto cu probablemente tabata
procedente di ladronicia.
Tabata trata di un Volkswagen
Polo color berde A-23508.
Polis a baha controla un ke
otro y nan a constata cu e
sistema di contacto tabata
destrui.
Cu takelwagen e Polo a wordo
poni na warda di polis na
Santa Cruz na disposicion di
e Team di Recherche encarga
cu ladronicia di vehiculonan.
Na un adres na Savaneta,
dialuna marduga algo pasa
di tres’ or, patruya di San
Nicolas a wordo dirigi pa
central di polis pa nan atende
destruccion di auto.
Na e direccion e senora
di inicial J. a denuncia cu
desconocinan a destrui su
Mitsubishi Lancer color
shinishi Taxi -339.
Tambe polis a papia cu e senora
F. cu tambe tabata na e sitio y
el a declara cu desconocinan
tambe a comete destruccion
na su Nissan Sunny color
blanco sin number.
Polis a traha verbaal di ambos
caso pa recherche continua cu
nan investigacion.
Riba L.G. Smith Boulevard
pabao di ex Bushiri hotel, un
senora di inicial K. a denuncia
destruccion.
Desconoci nan cu piedra
a destrui windshield di su
Nissan Sentra di cuater porta,
color maron, A-59454.

Diabierna
Belasting
lo cera mas
trempan

ORANJESTAD (AAN):
Diabierna 12 di December, e
oficinanan di Departamento
di Impuesto lo cera mas
trempan den oranan di atardi.
Debi na un reunion interno pa
e personal.

Oficina Principal na
Camacuri lo cera 3:00 pm.
Oficina di Gobierno na San
Nicolas, Savaneta, Santa Cruz
y Paradera lo cera 2:00 pm.