Page 9 - AM201109
P. 9
Dialuna, 9 November 2020 AWEMainta 9
Autoridadnan hudicial a intercepta
boto cu 10 ilegal y cantidad di droga
FOR DI oranan tempran di diasabra anochi Polis den Radarkamer a detecta
un boto na mas o menos 7 miya leu for di Aruba y a bati alarma y cu un bon
coordinacion conhuntamente cu coleganan di Kustwacht, Central di Polis,
Kustsurveillance y coleganan di districto di San Nicolas, asisti pa Kilo Papa
1 (Helicopter di Polis) a bin intercepta e boto aki cu 10 persona abordo.
E boto y personanan a wordo hiba Marinierskazerne pendiente di mas
investigacion.
Ora coleganan di Kustwacht a bay bek n’e sitio caminda e boto a wordo
intercepta a encontra cu cantidad basta grandi di droga ta drief den jerrycans
Segun vocero di Polis, Lito Lacle, e droga a wordo confisca y hiba p’e
Unidad di Crimen Organisa di Cuerpo Policial cu ya tin un par di dia ta bezig
cu e investigacion y cu diasabra madruga a culmina den interceptacion di e
boto, ilegalnan y por ultimo un cantidad grandi di droga.
