Page 14 - AM201109
P. 14
14 AWEMainta Dialuna, 9 November 2020
Ruman bou influencia a pasa man dor
di glas, heridando su mes seriamente
DIASABRA madruga a drenta informacion cu lo tin
un problema entre dos ruman dilanti Imelda Hof situa
na Boegoeroei. Pues esaki lo tabata tumando lugar di-
lanti Imelda Hof.
Mesora patruyanan di Noord a bay e sitio y berdad a
bin topa cu e situacion. A resulta cu un di e rumannan
tabata seriamente herida na un brasa, y esaki tabata
sangra hopi.
Esaki tabata motibo cu Polis a pidi pa un ambulance
cu urgencia. Segun nos a compronde, e rumannan no a
bringa. Parce cu un ruman lo tabata bou influencia y lo
a trece algo dilanti, un problema familiar cu aparente-
mente a surgi algun rato prome.
Aki posiblemente alcohol y emocion a bay halto y e lo a
pasa su man dor di glas, heridando su mes seriamente.
Ambulance a yega n’e sitio y tambe otro famia y despues di
un rato a bay Hospital cu e persona pa haya tratamento.
Homber deteni despues di a caba di maltrata su pareha
DIASABRA madruga den careda di 12:30, Polis a bay un
adres den Dakota, unda un homber lo a maltrata su pareha
y tambe aparentemente comete destruccion.
Patruya cu a yegda n’e adres despues di algun rato a sali
cu e homber den boei y a pone sinta den auto di patruya.
Mientrastanto transportwagen di Playa tabata na caminda
pa busca e homber.
Kico lo a causa e problema no ta mucho cla. E homber aki a
wordo presenta dilanti un Sub Fiscal unda a keda dicidi cu e
lo a wordo sera.
Problema domestico conoci den boca di pueblo “problema di
pareha” ta algo cu diariamente autoridad ta haya nan mes
confronta cune. Sorto di problemanan aki no tin ora of dia pa
tuma lugar.
Den algun caso cu consecuencianan serio p’e dama cu t’e sexo
debil, cu por/ta wordo maltrata seriamente. Jaloersheid ta
un di causanan principal.
