Page 52 - HOH

Dr. Frank Ho-Kang-You Cualkier infeccion por tin
consecuencia pa un baby

on: February 20, 2016In: LocalNo Comments

Print Email

Ginecologo dr. Frank Ho-Kang-You a splica mas di kico ta e informacion cu Aruba ta maneha riba
hende muhernan cu ta na estado y kico ta e pasonan cu hospital lo tuma den esaki.
E efecto di e virus di Zika riba muhenan na estado, pa cuminsa tin cu bisa cu ta hopi cos cu no sa. E
ginecologo a splica cu si un dama ta na estado, y infecta cu e virus, pa e señora mes e no ta haci
mucho cos. Pero esey ta kita den un of dos siman. e señora ta keda bon di salud y no ta haya daño
ni muri. Esey ta manera un griep y asina e ta.
Sinembargo pa e embaraso, tur cos cu ta pasa den sanger di un muhe na estado, tur infeccion cu
nan haya, potencialmente e por tin efecto riba e embaraso. Specialmente mas na cuminsamento e
infeccion por pasa, mas efecto e yiu por haya. Tin cierto remedi tin efecto riba e yiu. Esey ta mas
tanto concentra den comienso di e embaraso. Normalmnte ta cu ora e baby a wordo forma caba y ta
crece solamente, un infeccion of un malesa, of un remedi no ta haci hopi daño. Si su man a wordo
forma caba, si su pia a wordo forma caba, un malesa of un otro cos, no ta haci nada riba dje,
pasobra e pia tey caba y asina e ta keda. Na e cerebro y sistema nervioso ta otro. Esey ta wordo
forma, pero e ta keda wordo forma constantemente durante e embaraso y mayoria di e cerebro ta
wordo forma, despues e baby ta nace. Si tin cos cu tin efecto riba e cerebro y e sistema nervioso, tin
cu bisa cu e por tin mas tempo pa traha riba esey y haci daño.

Zika y Microcefalia
No ta hopi sigur cu tin un efecto, pero a constata cu tin un hecho y mester tuma esaki na serio y
mester programa tambe den maneho, pa asina por detecta casonan, si nan ta existi, cu por maneha
y por guia e pashent dunando conseho den un forma optimal.

Kico a constata
A constata casonan di microcefalia. Esey kiermen cu e cerebro (cabes) a keda mas chikito.
Aparentemente e desaroyo di e cerebro no a bay bon y e cerebro a keda chikito y door di esey e