Page 54 - HOH

Preparacionnan ya caba a wordo haci pa e virus di
Zika

on: February 20, 2016In: LocalNo Comments

Print Email

Na hospital a duna di conoce cu ya tin preparacionan haci pa e virus di Zika pa cual aki Maribel
Tromp di Departamento di Salubridad Publico a splica mas di kico ta e desaroyonan tras di esaki.
No ta cientificamente proba cu Zika ta causa microcefalia. Esey ta un deformacion di e craneo di un
baby. No sa mucho ariba dje, pero ciencia y e parti medico ta bezig ta haciendo mas investigacion
riba e parti aki. Banda di esey sa cu tin algun caso proba di Guillian Barre na Latino America y na
Polinesia Frances, unda cu tabata tin un epidemia algun aña pasa cu a wordo describi. Tur esey ta
importante pa sa.
Tromp a sigui splica cu si tin pashent cu tin e sintomanan y ta sospecha cu ta Zika, ta bon pa
inmediatamente por contact e dokternan pa asina nan por tin contacto cu pashent, pa asina nan por
tin recomendacion cu ta duna tur otro malesa. Behalve cu nan ta duna e recomendacionnan aki, nan
mester bay cas tambe pa check riba e sanguranan na cas, Tromp a bisa por ultimo..