Page 22 - ATA MAY 4,2015

Dangui Oduber: Turistanan di awe ta gasta mucho menos placa pa dia cu den
pasado!

 May 4th, 2015
 Politica

Na varios ocasion mi ta trece dilanti mi preocupacion pa e desaroyo den nos Mercado turistico. E
ta un Mercado hopi dinamico y actualmente tin un trend nobo na Aruba cu mester tene debido
cuenta cune. Minister Otmar Oduber awe na aña 2015 ta gasta 65 miyon florin mas na mercadeo
di nos turismo y e resultado no ta uno di gaba. Si na aña 2008 gobierno tabata inverti 14 miyon
den mercadeo di nos turismo awe e gobierno aki por medio di ATA ta inverti mas cu 80 miyon
na mercadeo. Esnan cu ta traha den e sector turistico ta pensa otro cu minister Oduber pasobra e
crecemento di nos turismo no ta un crecemento real sino mas bien un crecemento ficticio.
E placa adicional cu a wordo usa aki por a wordo usa pa pais Aruba riba otro prioridadnan. Loke
mas ta preocupa nos ta e hecho cu e minister Oduber su vision ta pa atrae mas tanto turista
posibel pa despues gaba cuanto turismo ta bon na nos pais y bisa cuanto placa a wordo laga atras.
E enfoke di minister Oduber mester ta pa atrae turistanan di calidad. Turistanan cu ta gasta placa
den nos economia. No turistanan cu ta gasta placa na supermercado, no turistanan cu ta bin
cumpra productonan den supermercado pa hiba nan pais. No turistanan cu NO ta keda na hotel.
No ta turistanan cu ta bin Aruba pa motibo di scarcedad. E ta hopi bon na altura di e trend aki
pero lamentablemente e no kier acepta y admiti esaki. Su maneho pa atrae turistanan cu ta gasta
placa no a duna ningun resultado y ta p’esey e ta scoge e maneho di volumen di turista.
Ta mas cu logico cu si mas turista bin e placa cu ta wordo laga atras ta mas. Pero e pregunta, tur
sector den e industria turistico ta sinti esaki?
Realidad di bida awe ta cu un turista awe na aña 2015 ta gasta mucho menos placa pa dia cu na