Page 23 - ATA MAY 4,2015

aña 2008. Tur e cifranan di banco central ta indica esaki. Esaki ta dunabo di conoce cu e calidad
di nos turistanan a bin ta cayendo desde aña 2008 y awe na 2015 nos a yega e nivel di mas abou
di e placa cu ta wordo gasta averahe pa dia. Ni maske cuanto Otmar Oduber kier doctrina pueblo
cu turismo ta crece. Hecho y realidad ta cu e calidad den nos turismo a cay dramaticamente.
Averahe un turista a gasta na aña 2008 pa anochi basa riba tourism receipt di banco central:
$225. Averahe cu un turista a gasta na aña 2014 pa anochi basa riba tourism receipt di banco
central: $206. Aki por wak claramente cu awe un turista ta gasta $19 dollar mes. Bo por conclui
cu e cifranan aki cu e calidad di awe no ta mescos cu prome y ta esaki nos a bin treciendo dilanti
for di hopi tempo.
No ta cuestion di cuanto turista bo por trece Aruba, cuanto record bo por kibra pero ta cuestion di
ki clase y ki calidad di turistanan bo ta trece. Nos vision ta pa atrae calidad y no cantidad y aki
nos vision ta diferente cu esun di Otmar Oduber. Su vision ta pa atrae mas tanto turista posibel
pa Aruba y logicamente si mas hende bin y si nan ta gastando menos placa pa dia mes e cantidad
di placa cu nan ta laga atras lo ta mas. Directora di ATA a declara recientemente cu mester
ahusta e cifranan di turismo e aña aki mirando e desaroyonan cu tin na Venezuela y cu esaki e ta
confirma e trend nobo den nos turismo cu nos no por depende riba nan.

http://masnoticia.com/dangui-oduber-turistanan-di-awe-ta-gasta-mucho-menos-placa-pa-dia-cu-den-
pasado/