Page 27 - HOSPITAAL MARCH 5,2016

Hospital lo bay tin mester di mas hende despues cu e
renobacion di e edificio keda cla

Friday, 04 March 2016 15:11
Comparti

Theo de Kool, director financiero di Hospital a relata cu si mira e nieuwbouw, ta asina cu lo bay tin
menos cama pa camber. Afdelingnan lo bira mas chikito, lo bay tin mas afdeling den e hospital y na final
lo bay tin mester di mas personal.

Ta mirando awo cuanto hende lo bay tin mester y ki sorto di personal y lo bay traha riba esey. Ainda tin
tempo pa prepara esaki mirando cu ainda falta un aña y algo pa bay pa e hospital keda cla. E bouw ta
canando hopi na tempo. Normalmente un bouw asina no sa cana na ora, pero te cu diamars, durante un
reunion cu tur esnan envolvi y a mustra cu e construccion lo keda cla den di tres kwartaal di 2018. De
Kool a splica cu Hospital ta hopi transparente cu AZV encuanto di esaki y tambe riba nan finansas y
presupuesto. E presupuesto anual ta wordo divulga riba nan website, cual a wordo renoba recientemente,
por ta e no ta eyriba, pero e meta ta pa nan presupuesto anual ta wordo poni eyriba pa tur hende wak.
Tin un relato tambe publica cu ta para describi kico a pasa, ki desaroyonan tin y tambe desaroyonan
premira pa e proximo aña. Loke tin di presupuesto eyriba ta di 2014 y pa Juni proximo esun di 2015 lo
bay ta publica. Hospital tin un bon relacion cu AZV durante e ultimo aña y juist door cu nan ta traha riba
un prijs reduci, nan por traha bon cu nan. Si hospital kier algun proyecto, nan por acerca AZV y hopi
biaha ta logra convence nan pa asina nan tambe por participa, si nan haya placa pe tambe. Y na fin purba
di propone cosnan cu ta bon pa cuido y tambe pa pashent y pa e hospital mes, de Kool a splica. Pa loke ta
e camber di operacion, de Kool a splica cu AZV no a hunga un papel cla den esaki. E laboratorio ta un
otro storia, el a splica.

Nan a funda un fundacion nobo, al igual cu bloedbank y no a agreg’e na hospital, cu e mesun Raad van
Toezicht, mesun Raad van Bestuur cu hospital y e fundacion nobo aki tambe tin mester di un contract cu
AZV. E acuerdonan cu gobierno y AZV ta cu ta tuma over e actividadnan di landslaboratorio manera cu
nan ta y segun de Kool e presupuesto ta bay cune, cu ta mas of menos 17 miyon pa aña. Lo purba di
reogranisa esaki y mehor’e. E minister a laga sa cu kier spaar riba dje, pero hospital ta pensa cu si logra,
si tin espacio, por bezuinig esaki, pero e no ta bay di un dia pa otro. No por bespaar den e prome
lunanan. Na prome instante for di e presupuesto mester paga costonan actual y desde awo lo purba
fuertemente pa baha e costonan aki. Ta di spera cu por ehempel door cu ta cumpra cosnan hunto cu
hospital y por logra haya prijsnan mas competitivo cerca e abastecedornan pa baha e costonan asina.
Hospital ta purba mas tanto posibel pa tene espacio y no ta e meta pa AZV bay sinta riba stoel di
Hospital. Pesey e gerencia tey. A palabra bon cu si nan bisanan bon cla ki plan hospital tin y kico nan ta
haci cu hospital y laboratorio, e ora e relacion lo estrecha mas cu AZV y lo sigui cana bon, de Kool a
splica.