Page 32 - HOSPITAAL MARCH 5,2016

Theo de Kool di Hospital: Costonan di hospital ta hopi halto

Friday, 04 March 2016 15:13
Comparti

Theo de Kool ta director financiero na Hospital y a papia di e costonan di Hospital. El a splica cu ta
masha placa mes na ta gasta pa aña mas of menos 160 miyon florin y gran parti, 90%, ta wordo paga pa
AZV, e tin di haber cu e pashent cu hospital ta trata pa AZV y esey ta wordo paga pa nan directmente, pa
awo sin propio contribucion.

E otro 10% cu ta bin pa servicio pa turista y otro pashentnan local, priva. E parti cu hospital ta haci pa
AZV, Hospital tin un acuerdo cu AZV cu nan lo haci’e riba kostprijs. Si ta purba di gana algo riba loke ta
haci pa e turistanan y pa pashentnan particular, pero e no ta asina cu ta gana hopi placa cu ne. Tin algun
cos cu AZV no ta paga y mester yega na ganashinan propio, manera extra curso, costonan di e
nieuwbouw. Si mira na e 160 miyon florin di e costonan total, e ora ⅔ parti di dje, rond di 100 miyon
florin ta bay pa personal. E ta un suma grandi, pero compara cu un hospital Hulandes, esaki ta algo
normal. E costonan ta un tiki halto y de Kool a menciona cu a menciona esaki durante e ultimo
tratamento di CAO y ta haya cu e porcentahe no mester subi mas. Por mira cu e materialnan ta
relativamente caro pa hayanan na Hospital. Cosnan cu tin cu ordo for di exterior, ta caro, incluyendo
invoerrechten, etc. Un otro post grandi pa Hospital ta e remedinan. Hopi remedi ta wordo uza y e den
hopi caso, nan ta caro. Tin un discusion na Hulanda ta andando riba remedinan caro, entre otro pa
tratamento di cancer. E mesun discusion tambe tin akinan de bes encuando y por mira cu pashentnan
aki tin baha tin mester di remedinan caro. Ta hopi dificil, pero tin un caminda tin un limite na e
presupuesto. No ta tur cos mag por y tin algun remedi cu ta costa algun shen mil florin pa aña. Tin un
prespuesto total di ongeveer 16 miyon pa e Hospital pa loke ta remedi y algun shen mil florin hopi pa un
solo pashent. Un caminda esaki tin cu para, segun de Kool.

Tambe ta uza mas hopi posibel ningun productonan liek. Antes a purba di papia cu e abastecedornan y a
spaar hopi den e ultimo temponan. Un gran parti di e besparing per pil, a subi na un aumento di e
volumen. Aki de facto por a trata mas pashent y esey ta un bon desaroyo. Tambe hopi placa ta bay na
otro cos, entre otro verband, etc. ta cosnan cu no ta costa hopi, pero nan ta wordo hopi uza y ta bay den e
post di costonan halto. Hospital regularmente cada tanto aña ta purba di intensifica e proceduranan pa
uzo di tipo di casonan asina, pa mira kico tin mester realmente. Un biaha trata contractnan y awor aki ta
bezig pa mira con ta bay haci cu bestellingnan interno y maneha e productonan pa percura cu no tin
distribimento y asina keda spaar y keda wak pa esaki bon. Esey ta e postnan mas importante di e
costonan, de Kool a splica.