Page 28 - HOSPITAAL MARCH 5,2016

Mester extra 10% di personal na Hospital cu cierto diploma y
na Aruba no ta hayanan

Friday, 04 March 2016 15:08
Comparti

Theo de Kool cu ta director financiero di Hospital a splica cu pa loke ta personal, tin mas of menos 930
trahado full time. Un total di 1000 persona den dienst y pa loke ta e posicionnan disponibel, nan tin 10%
di vacaturanan cu nan tin mester, cu ta hendenan cu cierto diploma y no por hayanan na Aruba y ta
obliga Hospital pa manda buscanan temporalmente pa asina por cumpli cu e demanda di hospital.

Den algun caso e por ta caro, den otro casonan e ta valt mee. Esey ta costa hopi trabao pa e afdeling di
Recurso Humano. Bon mes cu tin bon cooperacion cu Dimas riba e tereno ey y ta logra cu por logra yena
e vacaturanan ey. Algun tempo pasa a sali den prensa riba un cooperacion cu EPI riba opleiding y lo ta
desea di haya mas local cu ta sigui curso y logra forma local y pone nan den servicio den Hospital. Pa nan
ta bon pasobra nan tin mas opcion den curso y pa hospital tambe, pasobra e ora no mester busca
personal di afo pa bin traha na Aruba. E opleiden di personal ta fastioso.

Tin algun opleiding ta andando den e ultimo añanan, manera verpleegkunde opleiding cu ta cana
redelijk, pero awo tin un specialisacion pa verpleegkundge pa traha pa SEH, pa Intensive Care, pa e
afdeling di mucha, pa dialyse, tipo di opleiding asina, ta basta caro. Den e ultimo tres pa cuater aña
continuamente bezig pa tipo di opleiding, y tur aña tin un cantidad di personanan local cu ta sigui e
opleidingnan aki pa funcionnan specialisa. Ta cursonan caro cu ta costa mas of menos 30 mil florin pa
persona y ta dura mas of menos mita aña, cu e meta pa e personanan aki keda traha pa hospital.