Page 33 - HOSPITAAL MARCH 5,2016

A base di iregularidad AZV ta termina contracto cu dr. Rivera
entrante 1 di Mei proximo

Friday, 04 March 2016 15:04
Comparti

Den e dianan aki tin masha hopi comentario riba e asunto di dr. Rivera cu AZV a termina su relacion di
trabao cun’e.

Segun vocero di AZV, Solange Tchong, algun aña atras a cuminsa cu e trayecto di calidad, mehoracion y
unda cu ta trahando cu loke ta yama “Spiegelinformatie”, dus cierto datonan cu ta saca for di nan
sistema, unda cu ta wak con e dokternan ta traha, por ehempel ki tipo con e dokternan ta traha, por
ehempel ki tipo di remedi nan ta receta, ki tipo di tratamentonan, nan ta dunando e pashentnan of e
asegurado di AZV miho bisa. Eigenlijk algun aña atras a bin ripara algun iregularidad cerca e specialista
medico dr. Rivera, unda cu pa esaki a dicidi di drenta un trayecto na unda cu pa AZV e meta tabata entre
otro pa busca aclariacion riba loke tabata wak na datonan, pero tambe di otro banda e intencion tabata
cu nan kier a yega na un solucion cu lo ta factibel pa ambos partido. Dentro di esaki por bisa cu a bin
algun combersacion y esaki a resulta hasta na dado momento, na unda AZV eigenlijk a yega na e
conclusion cu e no ta responsabel pa laga e specialista aki traha independiente manera cu sa caba. E ta
un specialista cu ta yama e vrijgevestigde y dado momento AZV a dicidi cu e no ta responsabel pa haci
esaki.

E miho idea of solucion na AZV su parecer tabata cu por bay den un combersacion cu hospital y pidi
hospital e colaboracion pa wak ki manera lo por traha cu e dokter aki. Dentro di e trayecto tey a tuma
luga e inicio of e intento na unda cu a bisa como AZV cu lo desea di wak cu dr. Rivera lo por traha hunto
cu e otro internistanan, den servicio di Hospital y lo traha bao di supervision di e hefe di e internistanan,
esta esun mas halto encarga cu e parti aki, Tchong a splica. Loke a pasa ta cu siman pasa AZV ta wordo
notifica cu e plan aki no ta bay door y esey tabata un tiki lastima pasobra, AZV si a yega na e conclusion
pa no lage traha independiente y a wordo notifica pa hospital cu nan tampoco no por tuma e specialista
aki mas den servicio. Esey tabata e banda di medaya di parti di AZV di cual ta na su luga pa hospital duna
di su banda e ora e motibonan pa cual nan ta pensa cu e no ta apto of bon pa nan por tuma su persona
den servicio.