Page 58 - MIN.VOS MARCH 4,2015

Evelyn mester stop di ofende hende ora ta trata renobacion
di Hospital

Publication: Wednesday, 4 March 2015. Categoria: General

Mervin Wyatt-Ras: durante conferencia di prensa di fraccion di AVP

ORANJESTAD (AAN): Parlamentario Mervin Wyatt-Ras durante confrencia di prensa di
fraccion di AVP a trece padilanti cu Evelyn mester cuminsa bin reunion pa haci su trabao y stop
di ofende hende ora ta trata renobacion di nos Hospital.

E Parlamentario a menciona diferente reunion den Parlamento cu a tuma lugar pa duna
informacion y pa trata henter e proceso di e bidding y a tuma decision cual compania cu lo haci e
trabao di renobacion.
No ta ni un reunion “cuchi cuchi” of skondi manera Evelyn kier sugeri sino reunionnan den
diferente comision pa bay mas profundo den e asunto, tur stuk cu a ser presenta na un forma
transparente a ser manda pa miembronan, y tambe den reunion public ora a trata e machting na
gobierno pa traspasa e tereno y edificio.
Pues Evelyn mester stop di gaña y ofende paso ora Evelyn bisa cu e reunion ta “cuchi cuchi” e ta
ofende tambe e trahadornan cu ta organiza tal reunionnan. Pero MEP apesar di a haya
informacion a keda contra di e compania cu a gana e bid, pero esey ta un stadium cu ya a pasa
paso ta den pleno renobacion. Evelyn y MEP a yama professional pa corupto, esaki sin base.
Wyatt-Ras ta desaproba.

Pa loke ta trata renovacion di salanan di operacion, fraccion di AVP a pidi minister pa e por chek
mas aleu cu Hospital pa cual motibo diripente kier renoba mientras cu anterior a bisa cu no
mester renobacion. Alavez pa averigua di cual suma ta trata pasobra e suma cu a ser menciona ta
zona halto. Manera mester ta fraccion di AVP ta haci su trabao y ta critico pero no ta ofende
hende djies paso e decision no ta combine nan. Evelyn mester haci su trabao envez di ofende
hende.

http://www.diario.aw/2015/03/evelyn-mester-stop-di-ofende-hende-ora-ta-trata-renobacion-di-
hospital/