Page 17 - DESPA
P. 17
Cillie: Augustus ta cuminsa traslada
pashent pa edificio nobo di hospital
Posted on 07/11/2017 8:43 pm AST | Updated on 07/11/2017 8:44 pm AST
ORANJESTAD- Den luna di Augustus ta cuminsa traslada pashent pa edificio
nobo. Asina director di hospital Ezzard Cillie a bisa. E edificio nobo di dr. Horacio
Oduber Hospital ta consisti di 5 piso di cua 4 ta bira operacional otro luna. E lugar
ta moderno, aparatonan state-of-the-art, espacioso y apto pa por acomoda e
pashentnan cu ta yega eynan según Cillie. E personal ta haya cursonan a base
regular pa por sigui cu e ritmo di trabou y avancenan den mundo medico. Cilie ta
masha satisfecho cu e cambionan positivo den hospital.
E ta splica cu tur accion cu hospital ta tumando awor ta dirigi pa cuminsa transporta
pashentnan over dia 1 di augustus. "Esaki ta e planning, pasobra tin varios cos cu mester
caba ainda. Tin IT cu ta hopi importante. Nos ta bay basta digital den e edificio nobo y
esey ta trece cu ne cu mester cumpli cu cierto condicionnan." E enfoke 1 di augustus ta
pasobra cu mester haci e otro banda di hospital bashi pa asina cuminsa cu su renobacion.
E departamento ta completamente ekipa pa funciona optimal.
