Page 22 - MIN VOS - APRIL 15 ,2015

AWEMainta Diaranson, 15 April 2015 9

Diamars otro siman

Tabletcafe
pa 60plus

BIBLIOTECA Nacional Aruba ta invita tur 60-plus pa un

Tabletcafe, diamars mainta dia 21 di april. Durante Tabletcafe
bishitante riba 60 aña cu tin pregunta riba nan smartphone, Ipad
of Internet y social media por sinta un rato cu un mentor pa haci
pregunta.
E Tabletcafe ta mainta di 9or pa 12or. Entrada ta gratis. Un team
di biblioteca ta warda tur bishitante di 60-plus.
Diamars dia 21 di april ta duna atencion special n’e grupo vital aki,
pa percura cu e grupo 60plus no ta keda exclui di e metodonan
moderno di pasa informacion.
Tin diferente mentor cu ta atende cada bishitante personalmente.
Por haci pregunta tambe riba Social Media manera FaceBook,
YouTube, Blogs, Pinterest, Twitter y Skype.
Bishitante 60-plus ta bay biblioteca cu nan propio tablet, Iphone
of otro device.
Biblioteca ta ofrece aceso na Internet y WIFI gratis na publico,
danki na SETAR.
Bishitantenan por scoge pa bay un demostracion tambe. Lo tin
3 presentacion di servicionan online, paralelo n’e Tabletcafe. Ta
trata servicio di SETAR, Aruba Bank y e otro topico ta ‘Seguridad
riba Internet’. Tur ta gratis.
Cable TV y Mobile
SETAR ta duna un demostracion di su servicio di Cable TV y
Mobile. Esaki lo ta di 9or pa 10or.
Online banking
Aruba Bank ta duna un presentacion di Online Banking pa 60-
plus. Esaki ta di 10 pa 11or. Bishitantenan ta siña con pa haci
diferente transaccion financiero via Internet.
Veilig Internetten
Sr. Remigio Rasmijn, docente ICT na EPI ta duna tips con pa
nabega riba Internet sin core peliger pa perde privacidad. E
ultimo presentacion ta di 11or pa 12or.