Page 23 - MIN VOS - APRIL 15 ,2015
P. 23
AWEMainta Diaranson, 15 April 2015 17
Impulsa pa
Juan Hernandez
“Sparks” ta dal
Impact 90-53
JUNIORS Sparks a demostra tambe den su di dos wega cu e ta prepara p’e campe-
onato aki di basketball junioren. Nan a start diasabra riba nan propio cancha bruha
y mas cu tur cos ansha, loke a causa basta frustracion serca e dirigentenan tecnico
di e team, pero na final di cuenta nan a reorganisa pa termina den gran forma y
hasta mihor cu loke nan a logra diarazon contra e mesun team, Esso Heights Impact.
Na comienso Aruba Juniors a perde e bala cu hopi frecuencia y no tabata tuma
tempo pa arma un atake decente, cu e consecuencia cu nan tabata shoot mucho
liher. Impact di e otro banda a domina e board ofensivo por completo, loke a duna
nan bon chens pa sigui purba despues di no a score riba e prome intento.
Asina mes e prome tempo a termina cu 17-11 pa Aruba Juniors, cu Rogier Elgin
dirigiendo e atake cu 6 punto. P’e team di San Nicolas, Fausto Philips tabata efec-
tivo cu 7 punto.
Den di dos quarter, Sparks a recobra nan trankilidad, e atakenan a mustra
mas organisa y por a mira un plan di atake cu hopi mas pase y mas pen-
etracion. Cu e balansa den punto di 22-14, e quarter aki a contribui p’e
teamnan a bay sosiego cu Sparks den bentaha comodo di 39-25. Mathijs
Melchiors y Rogier Elgin tabata esnan cu a causa mas daño. Mathijs a
score 8 di su 15 puntonan den e quarter aki y Rogier su 7 puntonan a
yude bunita den su total di 17.
Den di dos tempo e diferencia den e wega a bira e defensa di e team di
cas. Poniendo Impact bao di hopi presion, Sparks a interumpi e ritmo di
pasa e bala di Impact. Special e tercer quarter a bay hopi bon pa Sparks.
Guia pa Juan Hernandez, kende a score 10 di su 23 puntonan den
e quarter aki, Aruba Jrs a aumenta nan bentaha na 68-39. E ultimo
quarter a mustra un Aruba Juniors menos productivo, pero tog defen-
sivamente hopi fuerte.
Aki Juan a score 7 punto mas. Pues 17 di su 23 puntonan a cay den di
dos mita. Compara cu e 29-14 di e quarter anterior, e produccion a
baha, pero asina mes e 22-14 di e ultimo quarter tabata suficiente pa
fiha e score final na 90-53, cu ta miho cu e 94-65 di nan prome wega.
Juan Hernandez tabatin un rol dominante den defensa cu hopi block-
shot impresionante. Sigur cu su defensa a contribui na un off-day di
Guishawn Gario. Den nan prome wega Guishawn tabata e topscorer cu
23 punto y diasabra e no a yega mas leu cu 3 tiro liber y pa defende Juan
el a haya su mes den problema di foul te cu el a foul-out. E anotacionnan
di Impact a keda reparti entre Fausto Philips (20), y capitan Malik Jack (15).
Pa Aruba Juniors Cedrick Pas a recobra parti di su forma loke a permiti’e pa
contribui cu su team cu 14 punto.
