Page 5 - AM210519
P. 5
Diaranson, 19 Mei 2021 AWEMainta 5
Wardacosta
A intercepta boto local cu ilegal riba dje
Wardacosta a tene un accion unda cu a in-
tercepta un boto cu ilegal riba dje. Ta trata
di botonan local cu ta sali for di Aruba y bin
cu ilegal tera. Cu accion riba lama, cu yu-
dansa di radar y Wardacosta cu su Metal
Shark, a pone man riba e boto Taipa A-2043
di Aruba.
A detene e propietario di e boto y su ayu-
dante. Fuera di esey a detene 3 ilegal.
Segun Mark Solognier, Director adhunto di
Operacion di Wardacosta Aruba, riba radar
e boto aki a yega costa di Aruba, despues cu
el a sali for di awa teritorial di Aruba.
A intercept’e mey miya pafo di Barcadera.
For di eynan a haci un investigacion y a rip-
ara cu ta trata di traficacion di hende.
A hiba e boto Savaneta pa haci e tramitenan.
Solognier ta sigui splica cu abordo tabatin
cinco hende, di cual un ta capitan cu su ayu-
dante y tres persona tuma riba lama.
Di e tresnan aki un di nan ta un hende
muher. Tur tin nacionalidad Venezolano. E
capitan si tin nacionalidad Hulandes.
