Page 7 - AM210519

Diaranson, 19 Mei 2021 AWEMainta 7

Corte Comun di Husticia a haya un Huez nobo

den persona di mr. Marinus M. De Werd

DIALUNA 17 di mei ultimo, Gobernador

Alfonso Boekhoudt, a huramenta señor

mr. Marinus M. de Werd como Hues na

Corte Comun di Husticia di Aruba, Cor-

sou, St. Maarten y di Bonaire, Sint Eu-

statius y Saba. E ceremonia di huramen-

tacion a tuma lugar na Cas Ceremonial
di Gobernador, den presencia di Minis-

ter demisionario Andin Bikker (Husti-

cia, Seguridad y Integracion), Hues Fis-

cal mr. Jane Jansen di Corte Comun di

Husticia y tambe esposa di mr. de Werd,

señora Duanca De Werd-Hesselberth.

Causa di interupcion den

suministracion di coriente

N.V. ELMAR ta informa motibo cu a conduci na
interupcion di suministracion di electricidad den
e ultimo dianan aki. Diasabra ultimo 15 di mei
WEB Aruba N.V. a confronta fayonan tecnico cu
a causa un interupcion di coriente imprevisto den
area di Oranjestad (un parti), Balashi (un parti),
Santa Cruz (un parti) y Pos Chiquito (un parti).
Distribucion di coriente di WEB Aruba N.V pa
N.V. ELMAR ta fuera di nos alcance.

Apesar di e fayo tecnico na WEB, ELMAR
tambe a confronta problema den suministro di
coriente den areanan di Bubali, Paardenbaai,
Turibana, Palm Beach, Kamay, Monserrat, Santa
Cruz, Balashi, Sabana Blanco, Mahuma, Santa
Marta, Papilon y Havenstraat.

Causa di interupcion den suministro di coriente
ta varia entre otro daño na pole dor di auto y corto
circuito “overslag” riba e red di 12.000 volt.
N.V. ELMAR ta enfatisa na su clientenan
cu prioridad y un suministro di coriente sin
interupcion ta un meta esencial den e maneho
diario di N.V. ELMAR.
Por medio di e comunicado aki N.V. ELMAR
ta pidi su disculpa na su consumidornan p’e
inconveniencia cu e interupcion ariba menciona
a ocasiona.