Page 53 - MIN JUS JULY 10

Aunke director di KIA a tuma su retiro, por lo pronto tin
miembronan di gerencia pa sigui cu maneho

Publication: Friday, 10 July 2015. Categoria: General

Minister Arthur Dowers:

ORANJESTAD (AAN): Minister di Husticia,
mr. drs. Arthur Dowers diahuebs mainta a confirma e noticia cu Trudy Hassell a tuma su retiro di
e funcion di director di KIA. El a agrega cu e ausencia di un director na e institucion por lo
pronto no lo tin efecto riba continuidad di maneho como cu tin un otro trahadonan riba nivel di
liderazgo cu ta ocupa nan mes cu maneho diario di e institucion den ausencia di un director.

E minister a subraya cu e comunicacion, ni e relacion di trabao entre e y Hassell no tabata entre e
motibonan cu a conduci na e decision di e ex-director.

Minister Dowers a elabora tocante loke a conduci na e retiro di e director di KIA y e siguiente
pasonan.

Tempo cu Hassell a worde scogi entre e solicitantenan pa e funcion na KIA a acorda riba tres
aspecto cu mester tin prioridad den su maneho: e trato pa cu e detenidonan pa mehora nan
situacion y oportunidadnan pa resocialisacion y baha e cantidad di recidivista; desaroyo di e
personal y e situacion laboral en general; y e planning pa mehoracion di e infrastructura fisico di
e compleho.

Pa loke ta trata e parti humano, por a nota un mehoracion den e situacion di e presonan, pero di
otro banda e comunicacion entre e director y e miembronan di personal tabata deficiente y hasta
malo den algun caso. E sindicatonan y Minister Dowers tabata reuniendo pa basta siman tocante
e relacion y comunicacion entre directiva y personal y e sindicatonan a vocifera nan malcontento
na varios ocasion. Ademas, Minister Dowers a ricibi directamente na su ministerio diferente
keho for di e miembronan di personal.

El a splica cu el a hiba diferente combersacion den e ultimo simannan cu e director, e personal y
e sindicatonan, pero ora cu a resulta cu no tabatin un solucion bastante eficiente pa e conflicto, a