Page 58 - MIN JUS JULY 10

“Mi a purba pa drecha loke tabata bay completamente robes
den KIA”

Publication: Friday, 10 July 2015. Categoria: General
Trudy Hassell:

ORANJESTAD (AAN): E noticia cu Trudy
Hassel a pone su posicion di director di KIA na disposicion di Minister diaranson den oranan laat
di atardi, a causa un ola di speculacion.
Den combersacion cu a hiba cu señora Hassell a papia ampliamente riba tur loke cu a binta
sosodiendo desde cu el a asumi e posicion di director di KIA na inicio di e aña’ki.
Apesar di tur loke a bin ta pasando, despues di entrega su posicion, señora Hassell a bisa di ta
masha agradecido na Minister di Husticia mr. Arthur Dowers pa nombre den e posicion y di a
dune e chens di purba mehora e situacion den KIA “cu nos tur tabata sa ta un reto grandi”. E no
por a keda sin menciona cu den henter su carrera den e aparato gubernamental, e funcion na KIA
tabata su reto di mas grandi cu el a topa cune.
“Esey mi tabata sa di un principio, pero ora cu bo yega KIA bo ta haya e impresion na
cuminsamento cu cosnan no ta di e malo ey manera hopi hende ta pinté. Lamentablemente
aworaki mi tin cu bisa cu mi a yega na un otro conclusion,”esaki ta loke cu señora Hassell a bisa
na inicio di su declaracion.
El a splica tambe cu el a haya algun tarea pa haci, for di Minister Dowers, cualnan mester a
worde ataca di biaha. Analisando e tareanan ey aworaki, e ta kere cu Minister Dowers tabatin
razon pa haci e peticion ey na su persona.
Asina cu el a drenta KIA, el a cuminsa pa haci un analisis di e situacion y a cuminsa haya
reclamo for di e personal puntrando di con no a sinta cu nan prome cu a cuminsa analisa e
situacion. “Mi a splica nan cu mi a cuminsa na analisa con KIA ta funciona y cual ta e diferente