Page 60 - MIN JUS JULY 10

Sindicatonan ta scucha solamente un banda di medaya den e
problemanan na KIA

Publication: Friday, 10 July 2015. Categoria: General

Ex director di KIA Trudy Hassell:

ORANJESTAD (AAN): Trudy Hassell, kende e
siman aki a entrega su retiro como director despues di diferencia di opinion cu personal y nan
sindicato, den un declaracion duna a bay hopi amplio riba e situacion reinante cu a conduci na su
retiro.

Segun e sindicato den diferente comentario duna, e problema ta sinta den un mal comunicacion
entre e director di KIA y su persona. Hassell sinembargo a bisa bon cla cu den e investigacion cu
e sindicatonan a hiba a scucha solamente e personal cu ta malcontento. Despues cu el a drenta y
a invita e sindicatonan sinta na mesa un biaha pa luna pa dialoga cu otro, esaki no a sosode sino
dos biaha, den un reunion di introduccion y otro di informacion.

Despues di e reunion unda cu a sinta cu e dos sindicatonan, el a constata cu un di e
sindicalistanan “lamentablemente a troce mi palabranan y a bay duna informacion
completamente robes, di cosnan cu mi no a bisa. E momento ey mi a perde confianza den un di e
sindicatonan …. “

Den un declaracion amplio cu señora Hassell a duna, el a bisa cu mester ta bon cla cu na
momento cu un director drenta pa sanea situacionnan cu a bay robes, no semper e director por
bay na amen di e personal y di e sindicato. Esaki ta nifica tambe cu no semper tur e reglanan cu
ta worde implementa pa drecha e situacion ta cay na agrado di tur hende. Asina e por bisa cu si
tin un grupo di empleado cu a keda contento cu porfin reglanan a worde implementa den KIA,
unda cu tur cos ta cla y transparente pa un y tur. E ta haya lamentable cu e empleadonan aki no a
worde scucha, pero solamente esnan cu a core bay cerca Minister. Pesey den combersacion cu e
tabatin cu Minister Dowers, el a urgi e mandatario pa scucha e otro grupo cu ta contento cu ordo
a worde reestableci den KIA. “Mi gratitud na e empleadonan aki cu si ta integro, cu si ta cana
straight, cu no ta abusa di nada y ta traha tur dia pa haci nan trabao manera mester ta.