Page 56 - MIN JUS JULY 10

KIA tambe tin cliente y mester a percura cu nan derechonan
ta worde respeta

Publication: Friday, 10 July 2015. Categoria: General
Trudy Hassell:

ORANJESTAD (AAN): “Mi a worde tilda di a duna
mas atencion na detenido cu mi a duna na e personal,”Trudy Hassell a bisa den un declaracion
duna y a splica cu como manager di KIA, el a haci loke cualkier manager di un negoshi of
instituto a haci.
Segun Hassell, ora drenta como managera ta deal cu cliente y den KIA e clientenan ta e
detenidonan. Na hotel e clientenan ta turista. Asina como manager di un hotel, mester percura na
prome luga pa bo clientenan ta bon y despues ta bay wak cu e empleadonan ta bon.
Sin bo clientenan no tin empleado. Y den KIA e concepto aki a worde uza p’asina duna e
detenidonan derechonan cu nan tin estableci den leynan local pero tambe den Tratadonan
internacional, pa cumpli di e forma aki.
Den e declaracion di señora Hassell, el a bisa tambe cu ora cu el a worde nombra como director
di KIA, el a haya e tarea pa traha riba e problema di e personal y di e detenidonan, mientras cu e
mes a pone un tarea adicional acerca cu ta pa drecha e infrastructura di KIA, cual tabatin
directamente di haber cu e situacion di e empleadonan.

E enfoke di su maneho pa drecha e infrastructura di KIA riba mesun forsa, con pa yuda e
empleadonan cu nan educacion y traha den un ambiente sano, y por ultimo crea un ambiente
unda detenidonan por worde resocialisa y reintegra den sociedad. Esaki a forma e base di mi
maneho den KIA, y basa riba esaki e meta tabata pa educa tur personal den KIA, for di esun mas
abou te esun mas halto.