Page 75 - MIN OTMAR ODUBER - APRIL 17,2015

Hopi satisfecho cu e resultadonan di crecimento significativo
Publication: Friday, 17 April 2015. Categoria: General
Minister di Turismo Otmar Oduber

ORANJESTAD (AAN): Diahuebs mainta a tuma lugar e conferencia anual di CATA, unda
Minister di Turismo Otmar Oduber tabatin e honor pa haci apertura cu noticianan hopi positivo
pa cu turismo di Aruba.
E mandatario a bisa di ta hopi satisfecho cu e conferencia e aña aki, cu ta hopi mihor cu e otro
añanan y esaki ta worde refleha den e cifranan cu a worde presenta.
Minister Oduber a splica cu e mercado di Latino America ta hopi bon para cu excepcion di
Argentina, pero den otro 7 mercadonan a mira un aumento significativo.
Tur esaki a worde treci dilanti den e cifranan cu a worde presenta, unda ta papia di crecemento
den estadianan , tambe e incremento di aeropuerto cu a worde presenta pa e Director
Operacional di Aeropuerto di Aruba Sr. Jurgen Benschop. Tambe Sr. Alex Nieuwmeijer for di e
punto di bista di AHATA, a papia di e impacto Latino Americano ribae industria hotelero
durante aña 2014.
‘Tur cu tur, nos ta hopi satisfecho , tanto CEO di ATA Señora Ronella Tjin A Sjoe- Croes como
tambe mi persona a enfoca cu nos socionan ta parti di nos amigo y famianan cu ta traha hunto cu
Aruba pa Aruba. Nan ta promove y ta percura cu e negoshi cu nos ta busca den e diferente
mercadonan y pa nos por naturalmente yega na dje, ’ e mandatario a bisa.
Actualmente Ministerio di Turismo y ATA ta concentrando riba e calidad di e producto cu nos ta
representa. Tanto den e parti di infrastructura como den e aspecto di servicio pa asina aki brinda
un mihor servicio ainda cu nos a bin ta brinda a traves di programanan manera ‘ Happy