Page 78 - MIN OTMAR ODUBER - APRIL 17,2015

Departamento di Cultura Aruba: Entrega di cuadro
conmemorativo na Fundacion Gabriel Flores

Thursday, 16 April 2015 10:16
Comparti

En conexion cu e exposicion “ UN BIDA DEN MUSICA” basa riba trayectorio musical di Chencho Kelly
na Biblioteca Nacional Aruba, Chencho Kelly hunto cu Vicente Kelly, ex lider y manager di e orkesta ‘La
Nueva Fuerza’, den compania di mayoria di e ex-integrantenan, a haci entrega di un Recuerdo
Conmemorativo den forma di un cuadro na e ‘Fundacion Gabriel Flores’ dia 8 di april 2015 na Biblioteca
Nacional.
E cuadro ser ricibi pa sra. Dalila Boye-Flores. E fundacion a wordo estableci na 1999 cu e meta pa
promove, duna apoyo y balor na nos musiconan y nos cultura, cual ta patrimonio di nos pais Aruba.
E acto aki tabata un muestra di aprecio cu lo keda graba pa semper den historia di musica aki na Aruba.
Gabriel Flores (d.f.m.) su participacion como cantante den e orkesta “La Nueva Fuerza” den final di
añanan 80 te cu 1991 lo keda inolvidabel. Gabriel Flores, tabata un cantante ehemplar cu a contribui
grandemente na e Cultura di Aruba.
Gabriel Flores cariñosamente yama Gaby of Gabichi, ta un hoben cu semper tabata tin musica na su
curazon. Semper dispuesto pa coopera y duna su aporte riba tereno di musica, cultura y social. Un
Artista cu a studia y gradua na Berkley College of Music na Merca y a bira un artista riba nivel
profesional. Gabriel a forma su propio banda musical y toca na Hyatt Hotel como e ’house band’, como
tambe na Americana Hotel y Alhambra Casino. El representa Aruba na ‘Viña del Mar’, Chile y a gana
Festival di Oti di Antiyas cu e cancion “La Verdad”. E la canta cu La Nueva Fuerza den final di aña 80 y
tambe el a canta cu muchanan di Bario “Estella del Bario”. Gabriel Flores a fayece na aña 1998.
Un palabra di danki ta bay na tur esnan cu tabata presente na e acto historico aki. Na mes Momento ta
informa pueblo en general, cu door di un bon acogida di e exposicion “ UN BIDA DEN MUSICA”, e
exposicion ta keda habri na Biblioteca Nacional Aruba te cu dia 23 di april 2015. Probecha, ainda bo tin e
chens pa wak e exposicion aki basa riba trayectorio musical di Chencho Kelly y laga esaki ta un
inspiracion y motivacion pa bo.

http://www.24ora.com/local-mainmenu-5/94148-departamento-di-cultura-aruba-entrega-di-cuadro-
conmemorativo-na-fundacion-gabriel-flores