Page 79 - MIN OTMAR ODUBER - APRIL 17,2015

ATA: Mercado turistico Latino America ta sigui crece

Thursday, 16 April 2015 21:50
Comparti

Aruba a yama su partnernan for di Latino America bon bini na e di 26 edicion di Conferencia Anual di
Turismo di Aruba. E evento ta conta cu 83 participante for di Colombia, Argentina, Chile, Brasil,
Paraguay, Peru, Bolivia, Panama, Venezuela, Republica Dominicana y Ecuador, consistiendo di tour
operators, representante di aerolinea y hotelnan bendiendo Aruba den nan mercado ta reuni pa
intercambia e miho ideanan.
E mainta di apertura a inicia cu nos himno di Aruba interpreta pa Jeanedy Semeleer.
Minister di Turismo, Otmar Oduber, a sigui bisando “ATA sui Generis ya ta celebra 4 ana cu e la
establece y e la surpasa tur expectativa. Mi a mira ATA crece cu forza y flexibilidad. Den un temporada cu
e enfasis ta centralisa riba e experiencia di e bishitante ta bon pa enfatisa un biaha mas e acuerdo logra
entre e AAA, AHATA, ATSA y ATA pa yega na e bishitante cu mayor ingreso. E inversion di Aruba den
Aruba como destinacion ta e prioridad pa yega na e bishitante aki.”
Un biaha mas, e C.E.O di Aruba Tourism Authority, Ronella Tjin Asjoe-Croes, a dirigi su mes na tur
esunnan presente. “E relacion fuerte cu operadornan turistico, linea area y socionan local ta fundamental
pa obtene e resultadonan remarcabel cu Aruba a logra durante 2014 y cu a traduci su mes den un
impacto economico positivo pa e isla”.
E participacion di e mercado Latino Americano a crece den forma significativo durante e ultimo 5
añanan. Den e ultimo 5 añanan a nota un crecemento significante no solamente den e mercado di
Venezuela (+176%), pero tambe den esun di Colombia (+62%), di Argentina (+96%), di Brasil (+22%) y
di Chile (+368%). E aña aki te cu Maart, Aruba a mira un crecemento di 78% di bishitantenan for di
Latino America.
“Aunke ta experencia un crecemento importante den America Latino, e enfoke riba calidad a wordo
intensiva den tur nos meracadonan, man den man cu cantidad cu ta keda importante. . E enfoce
intensiva riba hisa calidad di nos turismo, cu ta rekeri mehoracion y inversion den producto Aruba, lo
mester condusi den proporcionalmente mas rentabilidad economico y e beneficio pa Aruba, mas cu
locual ya caba di awor cu a bin ta crece ultimo anjanan. E cantidad sigur ta sigui importante pero e
calidad aun mas, asina Ronella Tjin Asjoe-Croes, C.E.O di Aruba Tourism Authority a sigui splica na tur
presente.
“A.T.A. a identifica prioridadnan y ta ehecuta strategia cu e fin central di posiciona Aruba entre e
biaheronan cu un nivel economico halto. Como tal den e mercado Latino Americano ta concentra pa
atrae e clase A/B cu ta posee un entrada disponibel pa biaha y adicionalmente posiciona Aruba como e
destino ideal pa romance, pa parehanan, pa famianan, pa actividadnan, MICE, deporte y haci compras”.
Aruba ta busca pa diversifica e mercado di Aruba, cu ayudo di partnernan manera Venezuela, Colombia,