Page 31 - HOH 24 JULY 2015
P. 31
Servicio di Emergencia nobo na Hospital lo tin 17 cama
Publication: Friday, 24 July 2015. Categoria: General
ORANJESTAD (AAN): Diahuebs Minister di
Salud Publico dr. Alex Schwengle, compaña pa Prome Minister Mike Eman, a bishita Dr.
Horacio E. Oduber Hospitaal pa un presentacion y tour di e facilidadnan bao construccion,
organiza pa Stichting Onroerend Goed Aruba (SOGA), cual ta doño di e edificionan y ta encarga
cu e proyecto den su totalidad.
DIARIO a bin haya sa, cu e construccion di e toren nobo pa pacient ta tumando forma y el a
splica cu e parti mas grandi di e di prome piso ta e “Eerste Hulp”. Den e parti nobo aki di e
construccion di hospital banda cu lo tin 17 cama den e departamento di emergencia (SEH) pa
brinda servicio emergente tambe lo ta situa e laboratorio clinico.
http://www.diario.aw/2015/07/servicio-di-emergencia-nobo-na-hospital-lo-tin-17-cama/
