Page 34 - HOH 24 JULY 2015

Sindicato y director ta sinti falta di personal na Hospital

Publication: Friday, 24 July 2015. Categoria: General

ORANJESTAD (AAN): Sindicato ABV y director medico, Ezzard Cilie, ta den negociacion pa
trata di yega na un contracto colectivo nobo. Un negociacion cu a bin ta andando for di januari
ultimo caba. Den e informacionnan cu a bini dilanti, e sindicato a expresa cu nan ta preocupa
pasobra ta trata di contene gastonan, mientras cu nan ta sinti e necesidad di mas persona. Esaki ta
algo cu e director medico, Ezzard Cilie, den cierto sentido ta di acuerdo cu nan.

Manera ta conoci, den pasado a ofrece hopi trahado pakete pa nan bay cas, den e asina yama
“operacion pa corta vet”. E consecuencia ta cu e sindicato a bin ta señalando cu no tin suficiente
personal riba piso pa brinda un bon servicio.
“Si tin un parti cu mi ta comparti cu nan tambe,” Cilie a duna di conoce. Y a sigui conta cu nan a
palabra cu e sindicato y ta haciendo un midimento di e forsa laboral necesario cu tin mester pa
duna e servicio cu mester brinda, cu ta e cuido relaciona directamente cu e pashent.
E ta consciente di e criticanan cu tin riba e servicio cu ta dunando y un prioridad cu el a pone, ora
cu el a asumi e posicion, ta cu lo bay midi con serio e scarsedad di personal ta. “Mi tambe ta
sospecha cu nos tin mucho poco man, pero nos no por demostra esey ainda,” el a duna di conoce.
Aunke cu na mesun momento el a expresa cu nan no ta spera un crecemento pasobra no ta
extendiendo e cantidad di camanan. Den tur e trabao di renobacion y ampliacion di hospital cu
tin andando aworaki, e ta trece cune cu na final e cantidad di camanan disponibel ta keda
mescos.
E investigacion andando ta basta avansa, y e ta spera cu esaki lo keda cla den luna di october. Na
momento cu tin e resultadonan lo haya sa con serio e situacion ta.
Papiando di personal, loke si Cilie por a informa cu den e ultimo 15 aña a crece den e parti di
personal medico (specialista) na hospital. Loke si no a crece ta esun den enfermeria. “Nos ta den
e negoshi di cuido y mester di e hendenan cu ta duna cuido. Den pasado, tabata mi impresion, a