Page 24 - MIN ARENDS

E reunion publico pa trata e leynan aki a ser yama dia 28 di september ultimo, sin
embargo el a ser geschorst.

Respecto e reunion aki, Presidente a ricibi un carta di Parlamentarionan Bikker y Lopez-
Tromp, insinuando cu no por yama Gobierno pa reunion den e fase aki.

Wyatt-Ras ta di opinion cu tanten e reunionnan no ta trata issues nobo ni conflictivo, e
por yama reunion.

En bista cu Wyatt-Ras semper ta traha segun ley, el a dicidi di manda pidi conseho di e
organo Legislativo tocante e carta aki.

Ta sperando ariba esaki.

Ainda falta e ley cu ta reglamenta ortografia di papiamento cu ta cla pa ser trata den
reunion publico.

Wyatt-Ras ta informa cu durante su presidencia el a purba trata tur ley cu drenta di
inmediato, y a logra esaki pa un cantidad di leynan.

Ta keda algun ley ainda cu mester trata, manera esun di ombudsman cu ta den espera di e
contesta di Gobierno pa loke ta cambionan necesario den nos Constitucion p’e
ombudsman por funciona manera mester ta.

Tambe ta den proceso e ley di iniciativa pa loke ta trata cambio di e ley electoral p’e
orden di candidatonan.

Mirando cu Raad van Advies y Staten a pidi conseho di Gobierno, SER y Conseho
Electoral ariba e ley.

Staten ta den espera di Gobierno paso SER a contesta y esaki mester ser manda via
Gobierno pa Parlamento.