Page 26 - MIN ARENDS

Minister Drs. Richard Arends: Aruba Ta Tumando E

Stapnan Pa Inova Comercialmente Y Fomenta

Desaroyo

 Politica
- 20/10/2017

Diahuebs mainta, e titular di Asunto Economico y Comunicacion tabata invitado special
den salon di Marriott durante apertura di e evento cu a reuni oradornan local e
internacional riba e topico di inovacion.

Den su palabra, Minister Richard Arends a resalta e stapnan cu Aruba a tuma y e
fundeshi cu a wordo estableci den e transicion di un economia convencional, pa uno mas
amplio danki na tur potencial di e hermentnan digital disponibel.

Rednan digital y inovacion t’e aceleradornan di desaroyo, specificamente economico,
social y medio ambiental. Como islanan, ta ainda mas imperativo pa no keda afo di e
proceso y ta pesey Aruba a firma y adopta e Metanan Global di Desaroyo di Nacionnan
Uni.

Inovacion ta un di e metanan y Gabinete Mike Eman I y II a establece polisa y trece
iniciativanan pertinente.

For di 2010, Gobierno di Aruba a inverti den e areanan di infrastructura y energia cu e
meta pa impulsa economia, mehorando e pais na mesun momento.