Page 27 - MIN ARENDS

Cune, a busca pa sector priva capitalisa riba e oportunidadnan nobo den 4 sector
primoridal cu ta industrianan creativo, logistica, tecnologia berde y exportacion di
conocemento.

E bentahanan di Aruba den esfuerso aki ta su locacion geografico, stabilidad como parti
di Reino Hulandes, capacidad intelegual, infrastructura di telecomunicacion, idioma y
cultura, structura atractivo pa start-ups y vision pa cu sostenibilidad.

“E perfil di e turista cu ta bishita nos a cambia, pero tambe su demanda y expectativanan.
E aceleracion causa pa inovacion ta trece oportunidadnan infinito.

Digitalisacion ta cambiando nos economia y inovacion t’e clave pa sobrebibi,” asina
Minister Richard Arends a expresa.

“Dor di involucra, capacita y habilita nos hendenan, nos por afecta avancenan comercial
y cambio.”

Minister Richard Arends ta di opinion cu inovacion te ainda ta un potencial cu no a caba
di explota riba nos isla apesar di a gana recientemente un premio como ‘Destinacion Mas
Inovativo’.

Alcansa e obhetivonan menciona lo permiti Aruba yega na metanan economico, haciendo
negoshi mas eficiente, mehora e competitividad di e isla y contribui grandemente na
economia di experiencia.

“Mi ta hopi orguyoso cu n’e momentonan aki Banco Central di Aruba ta preparando e
mapa pa modernisacion di e trafico di pago.

Un e-commerce di berdad ta rekeri e establecimento di un plataforma den cual
acuerdonan interbancario por tuma lugar den casi tempo real.”

P’esaki, segun Minister Arends, tin mester di socionan strategico manera Xerox cu por
permiti sector priva capitalisa den e proceso aki.