Page 43 - Djabierne 23 mart 2018.pdf
P. 43
Djabièrnè 23 Mart 2018 43
CBS ta publiká di dos
edishon ‘Compendium
Environmental Statistics
Curaçao 2016”
WILLEMSTAD.- Ofisina
Sentral di Statistik ta
duna di konosé ku a kaba
di publiká e di dos edishon
di e publikashon ku tin
komo tema estadístika di
medio ambiental: Curaçao
Environmental Statistics
Compendium 2016
(Kompendio di Statistik
Ambiental Kòrsou 2016).
E publikashon akí ta
kontené informashon,
tabèl i grafik riba tema ligá
ku estadístika di e medio
ambiente aki na Kòrsou,
basá riba dato di te ku aña
2016. Ku e publikashon
aki CBS ta respondé na e
nesesidat kada bes mas
grandi ku ta eksistí di
risibí informashon riba
e tereno akí, i tambe na
e retonan ku komunidat
ta konfrontando, manera
preshon demográfiko,
kuestion energétiko, e
problemátika di sushi,
kontaminashon di airu,
kresementu duradero,
produkshon di awa i
koriente etc.
Un dokumento, manera
esun akí di statistik
ambiental, ta ofresé djis
un poko informashon
riba un gran variedat
di tema. Esaki ta basá
riba un metodologia ku
Nashonnan Uní ta usa
internashonalmente,
konosí komo FDES
(Framework for the
Development of
Environmental Statistics),
pero adaptá pa Kòrsou. E
intenshon ta pa tur aña
publiká un edishon nobo
ku ‘update’ di e sifranan
pa e aña mas resien ku tin
disponibel.
For di e página inisial,
por ‘download’ Curaçao
Environmental Statistics
Compendium 2016.
aviso@extra.cw
